ມອບ-ຮັບ ແລະ ເປີດນຳໃຊ້ໂຄງການກໍ່ສ້າງດ່ານດາກຕະອອກເມືອງດາກຈຶງ

ພິທີມອບ-ຮັບ ແລະ ເປີດນໍາ ໃຊ້ອາຄານດ່ານດາກຕະອອກ, ເມືອງດາກຈຶງ,ແຂວງເຊກອງໄດ້ມີຂຶ້ນໃນທ້າຍອາທິດຜ່ານມາ, ໂດຍການເຂົ້າຮ່ວມຂອງທ່ານ ສີດາ ສຸວັນນະສາຍຮອງເຈົ້າ ແຂວງເຊກອງ, ທ່ານ ຮວ່ຽນ ແຄ່ງຕວ່ານ ຮອງປະທານຄະ ນະກຳມະການປະຊາຊົນແຂວງ ກວາງນາມ ສສ ຫວຽດນາມ, ພ້ອມດ້ວຍພາກສ່ວນກ່ຽວຂ້ອງ ສອງຝ່າຍເຂົ້າຮ່ວມ.

+ ມອບ-ຮັບຕຶດປິ່ນປົວຕາໂຮງໝໍແຂວງຫລວງພະບາງ

+ ມອບ-ຮັບໜ້າທີ່ຫົວໜ້າກົມພັດທະນາສີມືແຮງງານ ແລະ ຈັດຫາງານຜູ້ໃໝ່

+ ຜູ້ໄດ້ຮັບຜົນກະທົບຈາກໂຄງການກໍ່ສ້າງທາງປູຢາງຢູ່ເມືອງຮົ່ມ ໄດ້ຮັບເງິນຊົດເຊີຍແລ້ວ

ໂຄງການກໍ່ສ້າງດ່ານດາກ ຕະອອກແມ່ນການຮ່ວມມືລະ ຫວ່າງລັດຖະບານລາວ ແລະ ຫວຽດນາມ,ໂດຍນໍາໃຊ້ທຶນຊ່ວຍ ເຫລືອລ້າຈາກລັດຖະບານຫວຽດ ນາມ, ຊຶ່ງໄດ້ລົງມືກໍ່ສ້າງມາ ແຕ່ ປີ 2014 ໂດຍແມ່ນບໍລິສັດດ້າຍ ຮົງຟຸກເປັນຜູ້ຮັບເໝົາກໍ່ສ້າງໃນ ມູນຄ່າຫລາຍກວ່າ 48 ຕື້ດົງ (ສະ ກຸນເງິນຫວຽດນາມ) ເປັນອາ ຄານສູງ 2 ຊັ້ນ, ມີເນື້ອທີ່ທັງ ໝົດ 1.300 ຕາແມັດ. ດ່ານແຫ່ງ ນີ້ຈະປະກອບສ່ວນສໍາຄັນໃນການອຳນວຍຄວາມສະດວກ ໃຫ້ແກ່ປະຊາຊົນສອງປະເທດ ເວົ້າລວມ, ເວົ້າສະເພາະແມ່ນ 2 ແຂວງເຊກອງ ແລະ ກວາງ ນາມໃນການໄປມາຫາ ສູ່ແລກປ່ຽນ ຊື້ຂາຍສິນຄ້ານຳກັນ, ພ້ອມທັງປະກອບສ່ວນເຂົ້າໃນການ ເສີມຂະຫຍາຍການພົວພັນຮ່ວມ ມືຮອບດ້ານ ແລະ ຮັດແໜ້ນສາຍ ພົວພັນມິດຕະພາບ, ຄວາມສາ ມັກຄີແບບພິເສດຂອງ 2 ຊາດ ໃຫ້ຮຸ່ງເຮືອງສີວິໄລຍິ່ງຂຶ້ນ, ພ້ອມທັງເປັນການສະເຫລີມ ສະຫລອງ 2 ວັນປະຫວັດສາດ ລາວ-ຫວຽດນາມຄື: ວັນເຊັນ ສົນທິສັນຍາຮ່ວມມືຮອບດ້ານ ລາວ-ຫວຽດນາມຄົບຮອບ 40 ປີ (18 ກໍລະກົດ 1977-18 ກໍ ລະກົດ 2017) ແລະ ວັນສ້າງ ຕັ້ງສາຍພົວພັນການທູດລາວ- ຫວຽດນາມຄົບຮອບ 55 ປີ (5 ກັນຍາ 1962-5 ກັນຍາ 2017) ໃຫ້ເປັນຂະບວນຟົດຟື້ນ.