ກໍ່ການຮ້າຍບໍລິເວນສະພາກາງ ອັງກິດ ເສຍຊີວິດ 2 ບາດເຈັບສາຫັດຈຳນວນຫລາຍ
ສຳນັກຂ່າວ ເອເຟບພີ ລາຍງານເຫດສະເທືອນຂວັນ ໃນໃຈກາງເມືອງຫລວງປະເທດອັງກິດ ລອນດອນ ເມື່ອວັນທີ 22 ມີນາ ທີ່ເຈົ້າຫນ້າທີ່ຕຳຫລວດລະບຸວ່າໃຫ້ເອີ້ນນີ່ເປັນເຫດກໍ່ການຮ້າຍໄປກວ່າຈະມີຜົນສອບສວນເພີ່ມເຕີມ ຫລັງມີການໂຈມຕີບໍລິເວນອ້ອແອ້ມສະພາກາງ ອັງກິດ ທັງການໃຊ້ມິດ, ປືນ ແລະ ການໃຊ້ ລົດຍົນແລ່ນເຂົ້າຝູງຊົນ ເບື້ອງຕົ້ນມີຜູ້ເສຍຊິວິດແລ້ວ 2ຄົນ.
ລາຍງານເບື້ອງຕົ້ນລະບຸເຫດຄົນຮ້າຍບຸກແທງເຈົ້າຫນ້າທີ່ຕຳຫລວດທີ່ອາຄານສະພາ ເຮັດໃຫ້ຕຳຫລວດຍິງໃສ່ຄົນຮ້າຍເພື່ອລະງັບເຫດ ຂະນະທີ່ບັນດາສະມາຊິກສະພາ ແລະ ນັກຂ່າວໄດ້ຖືກເຈົ້າຫນ້າທີ່ຮັກສາຄວາມປອດໄພສັ່ງໃຫ້ຢູ່ໃນພາຍໃນອາຄານ.
ຈາກນັ້ນເຈົ້າຫນ້າທີ່ໄດ້ປິດລ້ອມບໍລິເວນສະພາລວມເຖີງສະຖານີລົດໃຟໄຕ້ດິນ. ຊ່ວງເວລາດຽວຕຳຫລວດໄດ້ຮັບແຈ້ງເຫດຍິງຢູ່ເທິງສະພານເວສມິນເຕີ້ ມີຜູ້ບາດເຈັບຫລາຍລາຍ. ສ່ວນດ້າຍ ສຳນັກຂ່າວ ຊີເອັນເອັນ ໄດ້ລາຍງານວ່າມີຜູ້ຂັບລົດຍົນ ແລ່ນໃສ່ຝູງຊົນກ່ອນຈະໄປຕຳຮົ້ວ.
ທາງດ້ານປະທານນາທີບໍດີ ໂດນານ ທຣັມ ຜູ້ນຳສາຫະລັດອາເມລິກາ ກ່ວາສັ້ນຯ ວ່າຮັບຮູ້ເລື່ອງແລ້ວ ສ່ວນກະຊວງຕ່າງປະເທດແຈ້ງວ່າໃຫ້ເຈົ້າຫນ້າທີ່ ທູດປະຈຳເມືອງຫລວງລອນດອນ ຕິດຕາມຢ່າງໃກ້ຊິດ.
