ສະຫະລັດ ປັບປຸງວັກຊີນ ເຂັມດຽວ

ວັນທີ 23 ເມສານີ້, ເຈົ້າໜ້າທີ່ການແພດຂອງສະຫະລັດ ໄດ້ຍົກເລີກຄຳສັ່ງຫ້າມສັກວັກຊິນຕ້ານໂຄວິດ-19 ເຂັມດຽວຊົ່ວຄາວ ຈາກ ຈອນສັນ ແອນ ຈອນສັນ ພາຍຫຼັງສັ່ງຫ້າມເປັນເວລາ 11 ວັນ. ທ່າທີດັ່ງກ່າວມີຂຶ້ນ ພາຍຫຼັງທີ່ປຶກສາທາງດ້ານວິທະຍາສາດຂອງລັດຖະບານ ສະຫຼຸບວ່າ ວັກຊີນດັ່ງກ່າວ ມີຜົນປະໂຫຍດຫຼາຍກວ່າທີ່ມີຄວາມສ່ຽງ.

ສຳນັກຂ່າວ ອາທີ ໃຫ້ຮູ້ວ່າ: ວົງການແພດພົບເຫັນ 16 ກໍລະນີໃນຈຳນວນເກືອບ 8 ລ້ານຄົນທີ່ສັກວັກຊີນຈອນສັນ ແອນ ຈອນສັນ ເກີດອາການເລືອດກ້າມຜີດປົກະຕິ. ທັງໝມົດຄົນເຫຼົ່ານັ້ນ ລ້ວນແຕ່ເປັນເພດຍິງໃນອາຍຸຕໍ່າກວ່າ 50 ປີ ແລະ 3 ຄົນໃນຈຳນວນນີ້ ເສຍຊີວິດ, ໃນຂະນະດຽວກັນ 7 ຄົນ ແມ່ນຍັງໄດ້ນອນປິ່ນປົວຢູ່ໃນໂຮງໝໍ.

ວັນທີ 23 ເມສານີ້, ອົງການຄຸ້ມຄອງອາຫານ ແລະ ຢາກໍຄື ສູນກາງການຄວບຄຸມ ແລະ ປ້ອງກັນພະຍາດ ຂອງສະຫະລັດ(CDC)  ພ້ອມກັນລົງຄຳເຫັນວ່າ ວັກຊີນເຂັມດຽວ ແມ່ນມີຄວາມຈຳເປັນຕໍ່ກັບສົງຄາມຕ້ານກັບພະຍາດໂຄໂຣນາໃນຂະນະນີ້ຂອງປະເທດ.. ພວກເຂົາກ່າວວ່າ ປະກົດການເລືອດກ້າມຜິດປົກະຕິ ອາດຈະເປັນການກ່າວເຕືອນເຖິງຜູ້ຍິງທີ່ມີອາຍຸອ່ອນ ສົມຄວນທີ່ຈະສັກວັກຊີນຊະນິດນີ້ ຫຼື ບໍ່.

ໄລ່ມາເຖິງວັນທີ 22 ເມສານີ້, ຊາວອາເມລິກາທີ່ມີອາຍຸແຕ່ 65 ປີຂຶ້ນເມືອ 80% ແລະ 50% ຂອງອາຍຸກາງຄົນ ແມ່ນໄດ້ຮັບການສັກວັກຊີນ 1 ເຂັມແລ້ວ. ຂະນະນີ້ ສະຫະລັດຍັງເປັນປະເທດທີ່ໄດ້ຮັບຜົນກະທົບໜັກຈາກໂຄວິດ-19 ຫຼາຍກວ່າໝູ່ໃນໂລກ. ຊຶ່ງມີຜູ້ຕິດເຊື້ອທັງໝົດ 32,7 ລ້ານຄົນ ແລະ 584.965 ຄົນເສຍຊີວິດ.