Microsoft ທຸ້ມພັນລ້ານໂດລາ ລົງທຶນຕັ້ງສູນຂໍ້ມູນໃນມາເລເຊຍ
ນາຍົກລັດຖະມົນຕີມາເລເຊຍປະກາດແຜນການລົງທຶນໂດຍໄມຄຣຊັອບ ຫວັງດຶງຕົວເລກການລົງທຶນຈາກຕ່າງປະເທດທີ່ຕົກຕໍ່າໃຫ້ຟື້ນຂຶ້ນ.
ວັນທີ 19 ເມສາ 2021, ສຳນັກຂ່າວຣອຍເຕີ ລາຍງານການອອກມາໃຫ້ສຳພາດຂອງນາຍົກລັດຖະມົນຕີ ມູຢິດດິນ ຢັສຊິນ ຂອງມາເລເຊຍ ທີ່ອອກມາເປີດເຜີຍວ່າ: ໄມໂຄຣຊັອບ (Microsft) ບໍລິສັດເຕັກໂນໂລຊີຍັກໃຫຍ່ຂອງໂລກ ຈະເຂົ້າມາລົງທຶນ ຈຳນວນ 1 ພັນລ້ານໂດລາສະຫະລັດ ໃນໄລຍະ 5 ປີຕໍ່ໜ້າ ໂດຍຈະມີການຈັບມືກັບໜ່ວຍງານລັດ ແລະ ບໍລິສັດໃນປະເທດ.
ການປະກາດຄັ້ງນີ້ຖືເປັນການລົງທຶນດ້ານເຕັກໂນໂລຊີຈາກໄມໂຄຣຊັອບເປັນເງິນກ້ອນໃຫຍ່ທີ່ສຸດທີ່ເຄີຍລົງທຶນໃນມາເລເຊຍ ຫລັງຈາກລັດຖະບານມາເລເຊຍອະນຸມັດແຜນໃຫ້ໄມໂຄຣຊັອບ, ກູເກິລ, ອາເມຊອນ ແລະ ເທເລຄອມ ມາເລເຊຍ ຮ່ວມກັນສ້າງ ແລະ ບໍລິຫານສູນຂໍ້ມູນລະດັບໄຮເປີສເກລ ລວມທັງໃຫ້ບໍລິການໃນລະບົບຄລາວ.
ປີຜ່ານມາ, ມາເລເຊຍມີການລົງທຶນໂດຍກົງຈາກຕ່າງປະເທດ (FDI) ຫລຸດລົງເຖິງ 68% ເຊິ່ງເປັນການປັບລົງຫລາຍທີ່ສຸດໃນພາກພື້ນອາຊຽນ ທາງລັດຖະບານຈຶ່ງຕ້ອງຊອກຫາຫົນທາງຈະດຶງດູດການລົງທຶນຕ່າງປະເທດເຂົ້າມາເພີ່ມ ພາຍໃຕ້ໂຄງການທີ່ຊື່ວ່າ: Bersama Malaysia initiative.
ໃນໂຄງການນີ້ ໄມໂຄຣຊັອບຈະເຂົ້າມາຈັດຕັ້ງສູນຂໍ້ມູນລະດັບພາກພື້ນແຫ່ງທຳອິດຂຶ້ນໃນມາເລເຊຍ ເພື່ອບໍລິຫານຂໍ້ມູນຈາກຫລາຍໆປະເທດ ແລະ ຈະຊ່ວຍເຫລືອໃນດ້ານເສີມສ້າງທັກສະດ້ານດິຈິຕອນໃຫ້ຊາວມາເລເຊຍເຖິງ 1 ລ້ານຄົນພາຍໃນປີ 2023.
ອ້າງອີງ:
https://www.straitstimes.com/…/microsoft-to-invest-13…
