ສ.ອາເມລິກາ-ຈີນ ໃຫ້ຄຳໝັ້ນສັນຍາຮ່ວມແກ້ໄຂບັນຫາໂລກຮ້ອນ
April 19, 2021 - 9:49 AM
ສຳນັກຂ່າວກຽວໂດ, ສ.ອາເມລິກາ ແລະ ຈີນ ອອກຖະແຫລງການ ຮ່ວມກັນ ໂດຍລະບຸວ່າ: ທັງສອງປະເທດ ຈະເຮັດວຽກຮ່ວມກັນ ແລະ ຮ່ວມມືກັບ ຫລາຍຝ່າຍ ເພື່ອຍົກລະດັບ ການປະຕິບັດ ຕາມຂໍ້ຕົກລົງ ປາຣີສ.ນອກນີ້ ທັງສອງຝ່າຍ ຍັງຕັ້ງໜ້າ ຈັດກອງປະຊຸມ ສຸດຍອດ ດ້ານສະພາບ ການປ່ຽນແປງ ດິນຟ້າ ອາກາດ ທີ່ ທ່ານ ໂຈ ໄບເດນ, ປະທານາທິບໍດີ ສ.ອາເມລິກາ ຈະຈັດຂຶ້ນຜ່ານທາງອອນລາຍ ໃນລະຫວ່າງ ວັນທີ 22-23 ເມສານີ້ ເພື່ອປຶກສາຫາລືກັບ ຜູ້ນຳໂລກ ລວມທັງ ທ່ານ ສີ ຈີ້ນຜີງ,ປະທານປະເທດຈີນ ກ່ຽວກັບ ການປ່ຽນແປງ ດິນຟ້າ ອາກາດ ພາຍຫລັງ ທ່ານ ຈອນເຄີຣີ, ຜູ້ແທນພິເສດ ວ່າດ້ວຍ ດິນຟ້າ ອາກາດ ຂອງສ.ອາເມລິກາ ໄດ້ປຶກສາຫາລື ຮ່ວມກັບ ທ່ານ ຊຽງ ເຈີ້ນຫົວ, ຜູ້ແທນພິເສດ ດ້ານການປ່ຽແປງ ດິນຟ້າ ອາກາດ ຂອງຈີນ ໄດ້ປຶກສາ ຫາລືກັນ ຢູ່ນະຄອນ ຊຽງໄຮ້ຂອງຈີນ ເມື່ອບໍ່ດົນມານີ້./.
ຮຽບຮຽງຂ່າວໂດຍ ສະໄຫວ ລາດປາກດີ
