ການພົວພັນລະຫວ່າງ ສະຫະລັດ-ລັດເຊຍເລີ່ມເຄັ່ງຕຶງໜັກ

ສຳນັກຂ່າວ Bloomberg ລາຍງານເມື່ອວັນທີ 15 ເມສານີ້ ໃຫ້ຮູ້ວ່າ ປະທານາທິບໍດີ ໂຈໄບເດັນມີແຜນການຈະລົງໂທດ 20 ອົງກອນ ແລະ ບຸກຄົນ 12 ບຸກຄົນ ຂອງລັດເຊຍ ຊຶ່ງລວມມີທັງເຈົ້າໜ້າທີ່ໃນລັດຖະບານ ແລະ ໜ່ວຍຂ່າວກອງຂອງລັດເຊຍ ທີ່ຖືກກ່າວຫາວ່າ ຫຍຸ້ງກ່ຽວກັບການເລືອກຕັ້ງ ແລະ ໂຈມຕີເຄືອຂ່າຍ ອິນເຕີເນັດທີ່ໃຫຍ່ທີ່ສຸດຂອງສະຫະລັດ.

ນອກຈາກນີ້, ວໍຊິງຕັນຍັງມີແຜນ ຂັບໄລ່ນັກການທູດຂອງລັດເຊຍ ຜູ້ທີ່ມີການພົວພັນກັບບັນຫາຕ່າງໆທີ່ກ່າວມາ. ບາດຄ້ອນທີ່ໜັກໜ່ວງຂອງ ວໍຊິງຕັນ ຕ້ານກັບ ມົສກູນັ້ນ ອາດຈະຖືກປະກາດອອກໃນວັນທີ 15 ເມສານີ້.
ກ່ອນໜ້ານີ້, ທຳນຽບຂາວປະກາດວ່າ ລັດຖະບານຂອງ ໂຈໄບເດັນ ໄດ້ພະຍາຍາມສ້າງສາຍພົວພັນທີ່ໝັ້ນຄົງກັບລັດເຊຍ ແຕ່ການອົດກັ້ນ ອົດທົນຂອງຄວາມຫວັງໃນບັນຫາດັ່ງກ່າວ ປະກົດວ່າ ຈະເປັນໄປບໍ່ໄດ້ອີກແລ້ວ.
ໃນອາທິດທີ່ຜ່ານມາ ວໍຊິງຕັນໄດ້ສຳເລັດການຕີລາຄາຂອງໜ່ວຍຂ່າວກອງກ່ຽວກັບບົດບາດຂອງລັດເຊຍ ໃນສົງຄາມໂຈມຕີເຄືອຂ່າຍ ຜ່ານ ໂດຍ SolarWinds ກໍຄືການກ່າວຫາລັດເຊຍຫຍຸ້ງກ່ຽວກັບການເລືອກຕັ້ງປະທານາທິບໍດີຂອງສະຫະລັດໃນປີ 2020 ທີ່ຜ່ານມາ.
ທຳນຽບ ແຄຣມລີ ໄດ້ປະຕິເສດຂໍ້ກ່າວຫາດັ່ງກ່າວຂອງໜ່ວຍຂ່າວກອງຂອງສະຫະລັດວ່າ “ການກ່າວຫາດັ່ງກ່າວ ແມ່ນບໍ່ມີບ່ອນອີງ ແລະ ພື້ນຖານໃດໆ” ແລະ ກ່າວວ່າ ຂໍ້ກ່າວຫາດັ່ງກ່າວເປັນພຽງຂໍ້ອ້າງເພື່ອໃຫ້ ວໍຊິງຕັນ ຜັນຂະຫຍາຍນະໂຍບາຍຕ້ານກັບ ມົສໂກ. ໂຄສົກຂອງ ທຳນຽບ ແຄຣມລິນທ່ານ Dmitry Peskov ກ່າວຢືນຢັນວ່າ ລັດເຊຍ ບໍ່ໄດ້ຫຍຸ້ງກ່ຽວກັບການເລືອກຕັ້ງ ແລະ ບໍ່ໄດ້ມີສ່ວນກ່ຽວຂ້ອງພົວພັນກັບການໂຈຕີເຄືອຂ່າຍອິນເຕີເນັດຂອງ ສະຫະລັດ ແຕ່ຢ່າງໃດ. ທ່ານກ່າວຢໍ້າວ່າ ແຜນການລົງໂທດຂອງສະຫະລັດຕໍ່ລັດເຊຍ ອາດຈະເຮັດໃຫ້ສາຍພົວພັນລະຫວ່າງສອງປະເທດຂີ້ຮ້າຍລົງ.
ຄວາມເຄັ່ງຕຶງລະຫວ່າງສອງປະເທດເລີ່ມຮຸນແຮງຂຶ້ນ ພາຍຫຼັງ ໂຈໄບເດັນໃຫ້ການສຳພາດຕໍ່ວິດທະຍຸໂທລະທັດ ເມື່ອເດືອນທີ່ຜ່ານມາ ຊຶ່ງໄດ້ມີຄຳເຫັນທີ່ບໍ່ສ້າງສັນກັບທ່ານ ປູຕິນ ແລະ ກ່າວເຕືອນວ່າ ຈະຕ້ອງໄດ້ເສຍຄ່າທີ່ສູງ.
ເອກອັກຄະລັດຖະທູດຂອງລັດເຊຍປະຈຳຢູ່ ສະຫະລັດ ທ່ານ John Sullivan ໄດ້ພົບປະກັບທ່ານ Yuri Ushakov ຜູ້ຊ່ວຍຂອງປະທານາທິບໍດີ ປູຕິນ. ທ່ານ Ushakov ລາຍງານຕໍ່ທ່ານ Sullivan ວ່າ ມົສກູ ຈະຕອບໂຕ້ ຄືນກັບການລົງໂທດຂອງວໍ ຊິງຕັນ ຢ່າງເໝາະສົມເຊັ່ນດຽວກັນ.