ທຳນຽບຂາວ ຜະລິດ ໄມໂຄຣຊີບ ເພື່ອຊອກຫາໂຄວິດ-19 ຢູ່ໃຕ້ຫຼືບໜັງ

ສຳນັກຂ່າວ ອາທີ ລາຍງານ ວັນທີ 13 ເມສານີ້ວ່າ ບັນດານັກຄົ້ນຄວ້າທາງການແພດໃນທຳນຽບຂາວຂອງສະຫະລັດ ປະກາດວ່າ ພວກຕົນໄດ້ມີຜົນສຳເລັດໃນການຜະລິດ ໄມໂຄຣຊີບ ທີ່ສາມາດຄົ້ນຫາເຊື້ອໄວຣັດໄດ້ ນັບທັງໄວຣັດ ໂຄໂຣນາ ສາຍພັນໃໝ່ ຢູ່ໃຕ້ຫຼືບໜັງຂອງຄົນ.

ພັນເອກ, ປະລິນຍາເອກ ທະຫານບຳນານ Matt Hepburn ຂອງສະຫະລັດ ຊຶ່ງເປັນຜູ້ຊ່ຽວຊານດ້ານ ພະຍາດຕິດຕໍ່ ມີຄຳເຫັນໃນລາຍການ “60 Minutes” ໃນວິທະຍຸໂທລະທັດວ່າ: ໄມໂຄຣຊີບ ມີພາລະບົດບາດຄືກັນກັບດອກໄຟສ່ອງ “ຊອກຫາເຄື່ອງຈັກ” ຂອງຄົນ ແຕ່ບໍ່ສາມາດທີ່ຈະຕິດຕາມໄດ້ທຸກການເຄື່ອນໄຫວຂອງຄົນ ແຕ່ຫາກເຮັດພາລະບົດບາດ ຊອກຫາໂຄວິດໃນຄົນ.

ໄມໂຄຣຊີບ ດັ່ງກ່າວ ຖືກຝັງລົງໄປໃຕ້ຫຼືບໜັງ ຊຶ່ງມັນຈະເຮັດໜ້າທີ່ກວດເຊັກເລືອດຂອງຄົນ ເພື່ອຊອກຫາຫຼັກຖານກ່ຽວກັບ ໄວຣັດ. ພາຍຫຼັງພົບເຫັນຕົ້ນກຳເນີດຂອງເຊື້ອໄວຣັດ ມັນກໍຈະເຕືອນໃຫ້ຄົນເຮົາຕ້ອງໄປກວດເລືອດທັນທີ.

ມາເຖິງຂະນະນີ້ ໄມໂຄຣຊີບ ດັ່ງກ່າວ ຍັງບໍ່ທັນໄດ້ນຳໃຊ້ຢ່າງກວ້າງຂວາງໃນກອງທັບຂອງສະຫະລັດອາເມລິກາ.