ວັນສັງຂານລ່ວງ

ວັນສັງຂານລ່ວງ: ແມ່ນມື້ທຳອິດຂອງການສະເຫລີມສະຫລອງປີໃໝ່ລາວ, ໃນມື້ນີ້ ຊາວບ້ານຈະເລີ່ມມີການຫ້າງຫາກະກຽມດອກໄມ້, ເຄື່ອງຫອມ, ປັດກວາດເຮືອນຊານໃຫ້ສະອາດງາມຕາ, ຈັດແຕ່ງພາຫວານ, ພາເຂົ້າໄປວັດ; ຫລັງຈາກຖວາຍເພນແລ້ວ ພຣະສົງຈະອັງເຊີນພຣະພຸດທະຮູບລົງຈາກບັນລັງ ຫລື ບຸດສະບົກ ຫລື ຮ້ານພະ ໃຫ້ພຸດທະສາສະນິກກະຊົນໄດ້ຫົດສົງດ້ວຍນ້ຳອົບ ນ້ຳຫອມທີ່ໄດ້ຈັດຕຽມມາ ເພື່ອເປັນສິຣິມົງຄຸນໃຫ້ແກ່ຕົນ ແລະ ຄອບຄົວ.

ຫລັງຈາກສົງພະແລ້ວກໍຈະພ້ອມກັນກັບຕ່າວເມືອເຮືອນ ເພື່ອອາຣາດທະນາ ພຣະພຸດທະຮູບຄູ່ເຮືອນລົງຈາກຮ້ານຫິ້ງມາຫົດສົງ ແລະ ຂໍພອນໃຫ້ເປັນມົງຄຸນແກ່ເຮືອນຊານຂອງຕົນນຳອີກ.