ອິນເດຍ ເລີ່ມຂາດແຄນວັກຊີນຕ້ານໂຄວິດທ່າມກາງຍອດຜູ້ຕິດເຊື້ອເພີ່ມສູງຂຶ້ນ

ຂ່າວຕ່າງປະເທດ ວັນທີ 11 ເມສານີ້ ລາຍງານໃຫ້ຮູ້ວ່າ ສູນສັກວັກຊີນໃນເມືອງຫຼວງອິນເດຍຕ້ອງຢຸດສະງັກຫຼັງວັກຊີນບໍ່ພຽງພໍ ຂະນະທີ່ຜູ້ຕິດເຊື້ອໂຄວິດ-19 ພຸ່ງສູງຂຶ້ນເປັນປະຫວັດການ ສ່ວນນາຍົກອິນເດຍ ຍັງບໍ່ທັນປະກາດລ໊ອກດາວ ຢ້ານກະທົບເສດຖະກິດ.

ສຳນັກຂ່າວຣອຍເຕີ ລາຍງານເຈົ້າໜ້າທີ່ຕາມລັດຕ່າງໆ ໃນປະເທດນອິນເດຍໄດ້ເລີ່ມສົ່ງສັນຍານເຕືອນໄປຍັງລັດຖະບານກາງຂອງອິນເດຍວ່າ ອາດຕ້ອງປະເຊີນກັບບັນຫາວັກຊີນປ້ອງກັນໂຄວິດ-19 ຂາດແຄນຫຼັງຈາກຍອດຜູ້ຕິດເຊືອໂຄວິດ-19 ພຸ່ວສູງຂຶ້ນເປັນປະຫວັດການ ແລະ ໂຄງສ້າງທາງສາທາລະນະສຸກຂອງປະເທດອາດຈະຮອງຮັບບໍ່ໄຫວ ຂະນະທີ່ໃນນະຄອນ ນິວເດລີ ບໍ່ສາມາດສັກວັກຊີນໃຫ້ແກ່ປະຊາຊົນຫາກບໍ່ໄດ້ຮັບວັກຊີນເພີ່ມເຕີມ.

ຊຶ່ງປັດຈຸບັນ ຈຸດສູນການກາງແພ່ລະບາດໃນອິນເດຍໄດ້ເປີດສູນສັກວັກຊີນເນື່ອງມີວັກຊີນບໍ່ພຽງພໍແກ່ປະຊາຊົນ ໂດຍອິນເດຍໄດ້ຜະລິດວັກຊີນໄປແລ້ວ ຈຳນວນ 97.5 ລ້ານໂດສ ແຕ່ຍັງບໍ່ພຽງພໍຈຳນວນປະຊາກອນໃນປະເທດທີ່ມີຫຼາຍກວ່າ 1.4 ພັນລ້ານຄົນ.

ຂະນະດຽວກັນ ລັດຖະບານຊີ້ວ່າ ການແພ່ລະບາດຮອບໃໝ່ ນີ້ເກີດຂື້ນເນື່ອງຈາກຄວາມລະຫຼວມໃນການໃສ່ໜ້າກາກອະນາໄມ ແລະ ການລວມຕົວກັນເປັນຈຳນວນຫຼາຍຂອງປະຊາຊົນ.

ຫຼ້າສຸດອິນເດຍມີຜູ້ຕິດເຊື້ອ ໂຄວິດ-19 ສະສົມທະລຸ 13.3 ລ້ານຄົນ ແລະ ເສຍຊີວິດ 169.000 ຄົນ.