EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

April 10, 2021 - 11:28 AM

EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - kitchen vibe - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

ສະຫະພາບເອີຣົບທຸ້ມງົບປະມານ 123 ລ້ານເອີໂຣ ສຳລັບໂຄງການວິໄຈດ້ານການກາຍພັນຂອງໄວຣັສໂຄວິດ-19.

ວັນທີ 9 ເມສາ 2021, ຄະນະກຳມາທິການເອີຣົບ (EC) ໄດ້ຈັດສັນງົບປະມານ 123 ລ້ານເອີໂຣ ໃຫ້ໂຄງການວິໄຈຮີບດ່ວນເພື່ອສຶກສາເລື່ອງການກາຍພັນຂອງໄວຣັສໂຄວິດ-19.

EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ - Visit Laos Visit SALANA BOUTIQUE HOTEL - EU ທຸ້ມງົບກວ່າ 100 ລ້ານເອີໂຣ ເລັ່ງວິໄຈໂຄວິດກາຍພັນ

ງົບປະມານດັ່ງກ່າວຖືເປັນເງິນຈຳນວນທຳອິດທີ່ຖືກຈັດສັນຜ່ານໂຄງການຮໍຣິຊອນເອີຣົບ (Horizon Europe) ເຊິ່ງເປັນໂຄງການຮ່ວມມືດ້ານການວິໄຈ ແລະ ນະວັດຕະກຳຂອງສະຫະພາບເອີຣົບ (EU).

ເງິນຈຳນວນນີ້ຈະຖືກນຳໄປຊ່ວຍສະໜັບສະໜູນການວິໄຈ ແລະ ນະວັດຕະກຳເພື່ອຕໍ່ສູ້ກັບພະຍາດໂຄວິດ-19 ລວມທັງການດຳເນີນງານໂດຍລວມຂອງຄະນະກຳມາທິການໃນການປ້ອງກັນ, ບັນເທົາ ແລະ ຮັບມືຜົນກະທົບຈາກໄວຣັສຊະນິດກາຍພັນ.

ການວິໄຈຮີບດ່ວນກ່ຽວກັບເຊື້ອໄວຣັສຊະນິດກາຍພັນນີ້ ຈະເກື້ອໜູນການດຳເນີນງານກ່ອນໜ້ານີ້ທີ່ມຸ້ງພັດທະນາການປິ່ນປົວ ແລະ ວັກຊີນຜ່ານການຈັດຕັ້ງ ແລະ ດຳເນີນການທົດລອງທາງຄລີນິກ ເພື່ອພັດທະນາແນວທາງການປິ່ນປົວ ແລະ ວັກຊີນໃຫ້ກ້າວໜ້າຍິ່ງຂຶ້ນ.

ຄະນະກຳມາທິການ ກ່າວວ່າ: ການດຳເນີນການຮີບດ່ວນຄັ້ງນີ້ຈະຊ່ວຍແກ້ໄຂໄພຄຸກຄາມໄລຍະສັ້ນເຖິງໄລຍະກາງ ຕະຫລອດຈົນກຽມຄວາມພ້ອມສຳລັບອະນາຄົດ ເພື່ອຊ່ວຍໃຫ້ສະຫະພາບເອີຣົບສາມາດຄາດຄະເນ ແລະ ຮັບມືການລະບາດໃຫຍ່ໃນອະນາຄົດໄດ້ດີຂຶ້ນ.

ອ້າງອີງ:

https://europeansting.com/…/coronavirus-commission…/

https://www.xinhuathai.com/high/191865_20210408