ເກົາຫຼີເໜືອ ກຳລັງປະເຊີນກັບສະຖານະການຮ້າຍແຮງທີ່ສຸດໃນປະເທດ

ສຳນັກຂ່າວຕ່າງປະເທດ ລາຍງານເມື່ອວັນທີ 7 ເມສານີ້ ໃຫ້ຮູ້ວ່າ ຜູ້ນຳເກົາຫຼີເໜືອ ທ່ານ ຄີມຈອງອູນ ໄດ້ຖະແຫຼງຕໍ່ກອງປະຊຸມສະມາຊິກຫຼັກແຫຼ່ງຂອງພັກແຮງງານ ເມື່ອວັນທີ 6 ເມສານີ້ວ່າ: “ຍົກສູງຊີວິດການເປັນຢູ່ຂອງປະຊາຊົນ…ນັບທັງສະຖານະການຂີ້ຮ້າຍທີ່ສຸດ. ໃນນັ້ນ ພວກເຮົາ ຕ້ອງຜ່ານຜ່າອຸປະສັກຫຍຸ້ງຍາກຫຼາຍປະການທີ່ບໍ່ເຄີຍມີມາກ່ອນ. ບັນຫາດັ່ງກ່າວມັນຂຶ້ນຢູ່ກັບບົດບາດການນຳພາຂອງອົງຄະນະພັກຮາກຖານແຕ່ລະບ່ອນ”.

ທ່ານ ຄິມຈອງອູນ ຮຽກຮ້ອງໃຫ້ສະມາຊິກພັກແຮງງານເກົາຫຼີເໜືອ ຈົ່ງຈັດຕັ້ງປະຕິບັດມະຕິຂອງພັກທີ່ວາງອອກໃນກອງປະຊຸມໃຫຍ່ໃນເດືອນມັງກອນທີ່ຜ່ານມາ, ໃນນັ້ນ ລວມມີທັງການເພີ່ມຄວາມອາດສາມາດທາງດ້ານນິວເຄຣຍເພື່ອຮັບມືກັບການກົດດັນຈາກສະຫະລັດອາເມລິກາ ກໍຄືແຜນການ 5 ປີທີ່ໄດ້ປະກາດອອກໄປ.

ໃນຂະນະດຽວ, ຜູ້ນຳເກົາຫຼີເໜືອ ຍັງຕຳນິຕິຕຽນຄະນະພັກຮາກຖານບາງຄະນະກ່ຽວກັບ ຈຸດອ່ອນ ທີ່ຈະຕ້ອງປັບປຸງແກ້ໄຂ ເພື່ອຮັບປະກັນໃຫ້ແກ່ການພັດທະນາຂອງພັກ ມີຄວາມປອດໃສ ແລະ ເຂັ້ມແຂງ.

ຜູ້ຊ່ຽວຊານຈຳນວນໜຶ່ງ ກ່າວ່າ ຜູ້ນຳເກົາຫຼີເໜືອກຳລັງປະສົບກັບຄວາມຫຍຸ້ງຍາກທີ່ສຸດ ນັບແຕ່ມື້ທີ່ເຂົາກຳອຳນາດເປັນຕົ້ນມາ ເມື່ອມີຄຳສັ່ງປິດປະຕູປ້ອງກັນໂຄວິດ-19 ພ້ອມກັບມາດຕະການລົງໂທດຂອງລັດຖະບານສະຫະລັດ ຕໍ່ໂຄງການອາວຸດນິວເຄຣຍຂອງເກົາພຽງຢາງ ໄດ້ເຮັດໃຫ້ຖານເສດຖະກິດຂອງປະເທດນີ້ຕົກຕໍ່າສຸດໆໃນຂະນະນີ້.