“ໂອຊາກາ” ກຽມປະກາດພາວະສຸກເສີນ ຫລັງຈຳນວນຜູ້ຕິດເຊື້ອເພີ່ມຂຶ້ນ
April 8, 2021 - 9:18 AM
ສຳນັກຂ່າວ NHK ປະເທດຍີ່ປຸ່ນ ລາຍງານວ່າ: ໂອຊາກາປະກາດພາວະສຸກເສີນທາງການແພດ ຫລັງຈຳນວນຜູ້ຕິດເຊື້ອເພີ່ມສູງຂຶ້ນ ຈາກລາຍງານເມື່ອວັນທີ 6 ເມສາ ພົບຜູ້ຕິດເຊື້ອໂຄວິດ-19 ຫລາຍກວ່າ 719 ຄົນ ແລະ ເກີນກວ່າເຄິ່ງເປັນສາຍພັນໃໝ່ ທີ່ຈະແຜ່ລະບາດໄດ້ງ່າຍກວ່າ.
ໂດຍທາງການຈະຍົກລະດັບເຕືອນການແຜ່ລະບາດຂຶ້ນສູ່ລະດັບສູງສຸດ ຫລື “ສີແດງ” ເປັນການສະແດງອອກທາງສັນຍາລັກໃຫ້ປະຊາຊົນໃນພື້ນທີ່ເນັ້ນໜັກ ແລະ ເພີ່ມຄວາມລະມັດລະວັງຫລາຍຂຶ້ນ. ຂະນະດຽວກັນ ຄາດວ່າປະລິມານຕຽງຮອງຮັບຜູ້ຕິດເຊື້ອອາການໜັກຈາກໂຄວິດ-19 ໃກ້ຈະຮອດ 70% ໃນມໍ່ໆນີ້.
ທັງນີ້, ໂອຊາກາເຄີຍປະກາດພາວະສຸກເສີນທາງການແພດມາແລ້ວເທື່ອທຳອິດໃນເດືອນທັນວາປີຜ່ານມາ.
