5 ປະໂຫຍດດີໆທີ່ຄົນຮຽນພາສາອັງກິດເທົ່ານັນຈະໄດ້ຮັບ
April 7, 2021 - 4:22 PM
ໃຜໆກໍບອກວ່າການທີ່ເຮົາຮຽນພາສາອັງກິດນັ້ນກໍພຽງເພື່ອທີ່ຈະສື່ສານໃນພາສາຂອງພວກເຂົາໃຫ້ໄດ້, ແຕ່ຄວາມຈິງແລ້ວການຮຽນພາສາອັງກິດມີປະໂຫຍດຫລວງຫລາຍທີ່ໃຜຫລາຍຄົນຍັງບໍ່ເຄີຍຮູ້ ແນ່ນອນວ່າເຮົາອາດຈະບໍ່ໄດ້ເຈາະເລິກໄປໃນເລື່ອງຂອງເງິນຄຳ ຫລື ລາຍໄດ້ຫາກເວົ້າພາສາອັງກິດໄດ້, ແຕ່ມື້ນີ້ຈະມາເວົ້າກັນເຖິງເລື່ອງໃກ້ໆໂຕເຮົາຫລາຍກ່ວາວ່າມີຫຍັງແດ່.
- ການຮຽນພາສາອັງກິດຊ່ວຍໃຫ້ສຸຂະພາບຈິດດີ : ທ່ານເຄີຍສົງໄສກັນບໍ່ວ່າການຮຽນພາສາອັງກິດຊ່ວຍໃຫ້ສຸຂະພາບຈິດດີແນວໃດ ? ຄວາມຈິງແລ້ວບໍ່ພຽງແຕ່ພາສາອັງກິດເທົ່ານັ້ນທີ່ຊ່ວຍໃຫ້ສຸຂະພາບຈິດເຮົາດີ ແຕ່ການຮຽນຮູ້ສາມາດຊ່ວຍໃຫ້ສຸຂະພາບຈິດເຮົາດີ ແລະ ແຂງແຮງ, ສົງໄສແມ່ນບໍ່ວ່າຊ່ວຍໄດ້ແນວໃດ ກໍຊ່ວຍໃນເລື່ອງຂອງຄວາມຈື່ຈຳ, ການຮຽນຮູ້ຄຳສັບໃໝ່ໆ ຫລື ການຈື່ຈຳສິ່ງຕ່າງໆຈະຊ່ວຍຫລຸດການເກີດອາການສະໝອງເສື່ອມ ຫລື ອັລໄຊເມີໄດ້.
- ຫາໝູ່ຄົນຕ່າງສັນຊາດ : ຂໍ້ນີ້ແມ່ນຫຍັງທີ່ຈະແຈ້ງຫລາຍສຳລັບຄົນທີ່ຮຽນພາສາອັງກິດ ເພາະເມື່ອເຮົາສາມາດສື່ສານເປັນພາສາອັງກິດໄດ້ແລ້ວ ເຮົາກໍຈະສາມາດລົມກັບຄົນຕ່າງສັນຊາດເຈົ້າຂອງພາສາໄດ້ ແລະ ແນ່ນອນວ່ານອກຈາກຈະໄດ້ພາສາແລ້ວ ເຮົາຍັງໄດ້ເພື່ອນເພີ່ມຂຶ້ນມາ ຫລື ອາດຈະພັດທະນາຄວາມສຳພັນໄປຫລາຍກ່ວານັ້ນກໍຍັງໄດ້.
- ຊ່ວຍໃຫ້ເຮົາເຂົ້າໃຈສິ່ງທີ່ຄົນອື່ນຄິດ : ການຮຽນພາສາອັງກິດເຮັດໃຫ້ເຮົາເຂົ້າໃຈໃນສິ່ງທີ່ຄົນອື່ນຄິດ (ຄົນຕ່າງສັນຊາດ) ຄິດ ໂດຍສະເພາະຢ່າງຍິ່ງແມ່ນບົດຄວາມເທິງເວັບໄຊທີ່ສະແດງຄວາມຄິດເຫັນທີ່ມີປະໂຫຍດຕໍ່ປະເດັນຕ່າງໆ. ນອກຈາກນີ້, ຫາກເຮົາເຂົ້າໃຈພາສາອັງກິດ ເຮົາຍັງສາມາດເຂົ້າເຖິງສື່, ບົດຄວາມ ແລະ ຄວາມຮູ້ຕ່າງໆໄດ້ເກືອບທົ່ວໂລກ.
- ສະແດງຄວາມສາມາດ ແລະ ເຄົາລົບຕໍ່ພາສາສາກົນ : ດັ່ງທີ່ຮູ້ກັນວ່າພາສາອັງກິດນັ້ນເປັນພາສາສາກົນທີ່ໃຊ້ສື່ສານກັນທົ່ວໂລກ ແລະ ຈະເປັນແນວໃດຫາກນັກທ່ອງທ່ຽວມາທ່ຽງບ້ານເຮົາ, ແຕ່ບໍ່ມີໃຜສາມາດເວົ້າສື່ສານເປັນພາສາອັງກິດໄດ້ເລີຍ ແນ່ນອນວ່າຈະເຮັດໃຫ້ຫລາຍໆຢ່າງລຳບາກຫລາຍສຳລັບນັກທ່ອງທ່ຽວ. ດັ່ງນັ້ນ, ການຮຽນພາສາອັງກິດບໍ່ພຽງແຕ່ເປັນການສະແດງຄວາມສາມາດທາງດ້ານພາສາເທົ່ານັ້ນ, ແຕ່ຍັງເປັນການເຄົາລົບຫລັກການສື່ສານສາກົນນຳອີກ.
- ສາມາດຮຽນຮູ້ ແລະ ເຂົ້າໃຈໃນວັດທະນະທຳອື່ນໄດ້ : ການຮຽນຮູ້ພາສາອັງກິດຖືເປັນປະຕູໄປສູ່ການຮຽນຮູ້ວັດທະນະທຳໃໝ່ໆຫລາຍໆວັດທະນະທຳໄດ້ຢ່າງງ່າຍດາຍ ເພາະເຮົາສາມາດອ່ານ ຫລື ສອບຖາມກັບເຈົ້າຂອງວັດທະນະທຳນັ້ນໄດ້ ເປັນການເປີດໂລກແຫ່ງການຮຽນຮູ້ທີ່ບໍ່ສິ້ນສຸດ.
ການຮຽນຮູ້ພາສາອັງກິດນັ້ນມີປະໂຫຍດຮອບດ້ານ ບໍ່ຕ້ອງສົງໄສໄປເຖິງເລື່ອງອະນາຄົດ ແລະ ໂອກາດກ້າວໜ້າທາງໜ້າທີ່ວຽກງານທີ່ຈະໄດ້ຮັບ ເພາະແນ່ນອນວ່າຄົນທີ່ໄດ້ພາສາຈະໄດ້ຮັບໂອກາດເຫລົ່ານັ້ນກ່ອນໝູ່ແນ່ນອນ.
