ເກີດເຫດ ກາດຍິງ ຢູ່ໃກ້ກັບຖານທັບຂອງສະຫະລັດ

ລາຍງານຂ່າວຕ່າງປະເທດ ວັນທີ 7 ເມສານີ້ ໃຫ້ຮູ້ວ່າ ມີແພດທະຫານຄົນໜຶ່ງຂອງສະຫະລັດ ໄດ້ກາດຍິງໃສ່ ທະຫານເຮືອ 2 ຄົນຢູ່ທີ່ລານຈອກລົດ ຂອງກອງທັບ ກ່ອນທີ່ຈະເອົາຕົວຫຼົບໜີໄປໃກ້ກັບຖານທັບອີກແຫ່ງໜຶ່ງ ແລ້ວເຂົາກໍຖືກຈັບຕາຍ.

ເຈົ້າໜ້າທີ່ຮັບຜິດຊອບຢູ່ໃນເຂດ Frederick  ໃນລັດ Maryland ຂອງສະຫະລັດທ່ານ Andrew Alcorn ກ່າວຕໍ່ສຳນັກຂ່າວສານ ເອພີ ວ່າ “ພວກເຮົາກຳລັງລວບລວມເອກະສານທັງໝົດ ເພື່ອຊອກຫາສາເຫດຈູງໃຈໃນການກໍ່ເຫດຂອງ Fantahun Girma Woldesenbet ໃນຄັ້ງນີ້ຢູ່”.

ເຈົ້າໜ້າທີ່ສະຫະລັດໃຫ້ຮູ້ວ່າ Woldesenbet ໄດ້ຍິງທະຫານເຮືອ 2 ຄົນດ້ວຍປືນເຫຼັກຍາວຢູ່ທີ່ລານຈອດລົດ Riverside Tech ໃນວັນທີ 6 ເມສານີ້, ຫຼັງຈາກນັ້ນເຂົາກໍຂັບລົດໜີໄປໃກ້ກັບຖານທັບ Fort Detrick, ເວລາຕໍ່ມາເຂົາກໍຖືກຈັບຕາຍ ຈາກເຈົ້າໜ້າທີ່ ຂະນະທີ່ເຂົາກຳລັງຖອດປືນອອກມາຈະຍິງຕໍ່ສູ້ກັບເຈົ້າໜ້າທີ່.