ເກີດອຸປະຕິເຫດຢູ່ທາງດ່ວນວຽງຈັນ-ວັງວຽງ

ບໍລິສັດທາງດ່ວນວຽງຈັນ-ວັງວຽງ ໃຫ້ຮູ່ວ່າ: ວັນທີ 4 ເມສາ 2021 ເວລາປະມານ 20:10 ໂມງ ໄດ້ມີ ອຸປະຕິເຫດເກີດຂຶ້ນຢູ່ທາງດ່ວນວຽງຈັນ-ວັງວຽງ ຈຸດທາງແຍກບ້ານບົວ ພາຍຫລັງເຫດການເຈົ້າໜ້າທີ່ທາງດ່ວນໄດ້ລົງໄປຈຸດເກີດເຫດພົບເຫັນລົດເກງຍີ່ຫໍ້ເກຍສະພາບເສຍຫາຍທາງດ້ານຂ້າງທີ່ຂູດຮາວກັນຕົກທີ່ຢູ່ເຄິ່ງກາງ ສ່ວນຜູ້ຂັບຂີ່ບໍ່ໄດ້ຮັບບາດເຈັບຫຍັງ ຈາກການສອບຖາມເບິ່ງຕົ້ນແມ່ນຜູ້ຂັບຂີ່ມີກິ່ນທາດເຫລົ້າ ໜ້າຈະດື່ມສິ່ງມຶນເມົາແລ້ວຂັບ ຈຶ່ງພາໃຫ້ເກີດອຸປະຕິເຫດຄັ້ງນີ້ ຫລັງຈາກເອົາລົດອອກຈາກພື້ນທີ່ເກີດເຫດທາງບໍລິສັດໄດ້ກັກລົດເກັງຄັນດັ່ງກ່າວໄວ້ ເພື່ອສືບສ່ໍວນ-ສອບສວນ ຫາສາເຫດທີ່ແທ້ຈິງ.