ໂອຊິລ ຢືນຢັນບໍ່ຄິດຍ້າຍອອກຈາກ ອາເຊນອລ

ເມຊຸດ ໂອຊິລ ຫົວໜ້າ ທີມ ຊາດເຢຍລະມັນ ຂອງ ອາເຊ ນອລ ທີມດັງແຫ່ງພຣີເມຍລີກ ອັງກິດ ຢືນຢັນຢາກຫຼິ້ນໃນຖິ່ນ ເອ ມິເຣດ ຕໍ່ໄປຄືເກົ່າ ແລະ ຈະເປີດ ໂຕະເຈລະຈາເລື່ອງອະນາຄົດກັບຕົ້ນສັງກັດ ຫຼັງຈົບການທົວອຸ່ນ ເຄື່ອງລະດູການທີ່ ອອສເຕຣເລຍ ແລະ ສປ ຈີນ.
ກອງກາງອາຍຸ 28 ປີ ຍັງ ເຫຼືອສັນຍາກັບ ອາເຊນອລ ຈົນ ເຖິງປີ 2018 ແຕ່ວ່າຍັງບໍ່ໄດ້ຕໍ່ສັນ ຍາອອກໄປ ເຮັດໃຫ້ມີຂ່າວລື ເລື່ອງການຍ້າຍສັງກັດອອກມາ ຫຼວງຫຼາຍ ແນວໃດກໍຕາມ ຫຼ້າສຸດ ໂອຊິລ ຢືນຢັນຍັງຄົງຮັກ ອາເຊ ນອລ ຄືເກົ່າ.
“ຂ້ອຍຢາກຢູ່ກັບທີມຕໍ່ໄປ ແນ່ນອນເມື່ອທຸກຄົນກັບມາຮອດລອນດອນ ເຮົາຈະເຈລະຈາກັນ ເລື່ອງອະນາຄົດຂອງຂ້ອຍ ຂ້ອຍ ເວົ້າມາຕະຫຼອດວ່າຂ້ອຍຮູ້ສຶກດີ ຫຼາຍທີ່ ອາເຊນອລ” ໂອຊິລ ກ່າວ.