ລາວ-ຫວຽດນາມ-ກຳປູເຈຍ ເພີ່ມທະວີການຮ່ວມມືວຽກງານແນວໂຮມ

ອົງການແນວໂຮມລາວ- ຫວຽດນາມ-ກຳປູເຈຍເຫັນດີ ສືບຕໍ່ເພີ່ມທະວີການຮ່ວມມືວຽກ ງານແນວໂຮມເພື່ອສົ່ງເສີມສ້າງ ການແລກປ່ຽນບົດຮຽນ, ວັດທະນະທຳ, ການພັດທະນາ ເສດຖະກິດ-ສັງຄົມ, ສ້າງຊາຍແດນສັນຕິ ພາບ, ແລະ ການຮ່ວມມືອື່ນໆ ໃຫ້ໝັ້ນຄົງ ແລະ ເມື່ອບໍ່ດົນມານີ້, ທ່ານ ນາງ ຄຳຈັນ ພົມແສງສະ ຫວັນຮອງປະທານສູນກາງແນວ ລາວສ້າງ ຊາດ, ຜູ້ຊີ້ນຳວຽກ ງານໂຄສະນາໄດ້ຖະແຫລງຂ່າວ ຜົນສຳເລັດກອງປະຊຸມ 3 ແນວ ໂຮມລາວ-ຫວຽດນາມ-ກຳປູ ເຈຍ ທີ່ຈັດຂຶ້ນເມື່ອທ້າຍເດືອນ ມິຖຸນາຜ່ານມາ ທີ່ຮ່າໂນ້ຍ ສສ ຫວຽດ ນາມ ແລະ ການກະກຽມ ກອງປະຊຸມສາກົນ ເພື່ອເສີມສ້າງ ຊາຍແດນສັນຕິພາບ, ມິດຕະ ພາບລະຫວ່າງ ລາວ-ຫວຽດ ທີ່ຈະຈັດຂຶ້ນໃນເດືອນກໍລະກົດ ນີ້ວ່າ: ກອງປະຊຸມດັ່ງກ່າວໂດຍ ການເປັນປະທານຮ່ວມຂອງ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງ ຊາດລາວ, ທ່ານ ເຈິ່ນແທ່ງ ເມິ້ນ, ປະທານສູນກາງແນວໂຮມປະ ເທດຊາດຫວຽດນາມ ແລະ ສົມ ເດັດອັກຄະມະຫາ ໂປເຢຍຈັກ ກຣີເຮັງ ຊຳຣິນ ປະທານສະພາ ແຫ່ງຊາດ, ປະທານແນວໂຮມ ສາມັກຄີພັດທະນາມາຕຸພູມ ກຳປູເຈຍ.

+ ລາວ-ຫວຽດນາມແລກປ່ຽນບົດຮຽນ ວຽກງານແຜນການ-ການເງິນ

+ ປະທານສະພາແຫ່ງຊາດເຂົ້າຮ່ວມສະຫລອງ ປີສາມັກຄີມິດຕະພາບລາວ-ຫວຽດນາມ

ກອງປະຊຸມຕີລາຄາການ ຈັດຕັ້ງປະຕິບັດບົດບັນທຶກຊ່ວຍ ຈຳການຮ່ວມມືລະຫວ່າງແນວ ລາວສ້າງຊາດກັບແນວໂຮມ ປະເທດຊາດຫວຽດນາມ ແລະ ແນວໂຮມສາມັກຄີພັດ ທະນາ ມາຕຸພູມກຳປູເຈຍທີ່ໄດ້ລົງນາມ ໃນປີ 2013 ທີ່ນະຄອນຫລວງ ວຽກຈັນ, ພ້ອມນີ້ 3 ຝ່າຍໄດ້ ເປັນເອກະພາບກັນເພື່ອສືບຕໍ່ ເສີມຂະຫຍາຍບັນດາໝາກຜົນ ທີ່ໄດ້ຮັບໃນ 3 ປີຜ່ານມາ.

ເຊິ່ງ 3 ປະເທດຈະສືບຕໍ່ ເອົາໃຈໃສ່ໃນການໂຄສະນາ, ສຶກ ສາອົບຮົມໃຫ້ທຸກຊັ້ນຄົນມີຄວາມ ຮັບຮູ້ເຂົ້າໃຈຢ່າງເລິກ ເຊິ່ງກ່ຽວ ກັບມູນເຊື້ອປະຫວັດສາດສາຍ ພົວພັນລະຫວ່າງລາວ- ຫວຽດ ນາມ-ກຳປູເຈຍໃຫ້ມີຄວາມເອກ ອ້າງທະນົງໃຈຕໍ່ສາຍພົວ ພັນອັນ ດີງາມ, ບໍລິສຸດຜຸດຜ່ອງຂອງ ສາມປະເທດ; ພ້ອມກັນນີ້ 3 ຝ່າຍສືບຕໍ່ເພີ່ມທະວີການເປີດ ກວ້າງການພົບ ປະແລກປ່ຽນ ມິດຕະພາບລະຫວ່າງແນວ ໂຮມ, ບັນດາອົງການພາຄີຂອງ ແນວໂຮມ ແລະ ປະຊາຊົນ 3 ປະເທດເປັນຕົ້ນສົ່ງເສີມການ ສ້າງເງື່ອນໄຂອຳນວຍຄວາມ ສະດວກໃຫ້ແນວໂຮມ ທຸກຂັ້ນ, ໂດຍສະເພາະທ້ອງຖິ່ນທີ່ມີ ຊາຍແດນຕິດຈອດກັນໃຫ້ມີ ການຮ່ວມມືແລກປ່ຽນບົດ ຮຽນ, ດ້ານວັດທະນະທຳ, ການ ພັດທະນາເສດຖະກິດ-ສັງຄົມ, ການປັບປຸງພື້ນຖານໂຄງລ່າງ ຊ່ວຍເຫລືອພື້ນຟູໄພທຳມະຊາດ ແລະ ເຂົ້າຮ່ວມການເສີມສ້າງ ຊາຍແດນສັນຕິພາບ, ມິດຕະ ພາບການຮ່ວມມືພັດທະນາໃຫ້ ໝັ້ນຄົງ; ພ້ອມທັງໃຫ້ມີການຊຸກ ຍູ້ສົ່ງເສີມໃຫ້ມີການຄ້າ ຂາຍສິນ ຄ້າ ທີ່ມີຄຸນນະພາບສູງໃນບັນ ດາບ້ານ, ເມືອງທີ່ມີຊາຍແດນ ຕິດຈອດກັນຂອງ 3 ປະເທດ ເພື່ອຮັບປະກັນດ້ານສຸຂະພາບ ແລະ ຜົນປະໂຫຍດດ້ານເສດຖະ ກິດຂອງປະຊາຊົນ ເຊິ່ງແຕ່ລະປີ ຈັດໃຫ້ມີຕະຫລາດນັດສາມັກຄີ, ງານວາງສະແດງສິນຄ້າຢູ່ເຂດ ຊາຍແດນເພື່ອໃຫ້ມີການແລກ ປ່ຽນດ້ານການຄ້າລະຫວ່າງ ກັນຫລາຍຂຶ້ນ.