ກະສິກອນບໍລິຄຳໄຊພວມຂຸ້ນຂ້ຽວ ປັກດຳນາປີໃຫ້ສຳເລັດທັນລະດູການ

ຫົວໜ້າຂະແໜງປູກຝັງພະແນກກະສິກຳ ແລະ ປ່າໄມ້ແຂວງ ບໍລິຄໍາໄຊໃຫ້ຮູ້ວ່າ: ປັດຈຸບັນກະ ສິກອນພາຍໃນແຂວງພວມຂຸ້ນ ຂ້ຽວປັກດໍານາປີຂອງຕົນໃຫ້ສຳ ເລັດທ່ວງທັນຕາມ ລະດູການ ແລະ ປີນີ້ທົ່ວແຂວງມີເນື້ອທີ່ນາ ປີປະມານ 37.200 ກວ່າເຮັກ ຕາ. ມາຮອດປັດຈຸບັນສາມາດ ປັກດຳສຳເລັດແລ້ວຫລາຍກວ່າ 30 ພັນເຮັກຕາເທົ່າກັບ 81% ຂອງເນື້ອທີ່ທັງ ໝົດ, ໃນນີ້ນາດຳ ມີປະມານ 25 ພັນກວ່າເຮັກຕາ, ນາວ່ານ 4.800 ກວ່າເຮັກຕາ ແລະ ຄາດວ່າຈະສໍາເລັດທັງໝົດ ພາຍໃນເດືອນກໍລະກົດນີ້. ພ້ອມ ນັ້ນຍັງໄດ້ຊຸກຍູ້ສົ່ງເສີມກະສິກອນ ປູກພືດລະດູຝົນໃນເນື້ອທີ່ຫລາຍກວ່າ 15 ພັນເຮັກຕາ, ເຊິ່ງມາ ຮອດປັດຈຸບັນປະຕິບັດໄດ້ແລ້ວ ຫລາຍກວ່າ 6.700 ເຮັກຕາເທົ່າ ກັບ 43% ຂອງເນື້ອທີ່ທັງໝົດ, ສ່ວນໃຫຍ່ແມ່ນປູກສາລີ ຫວານ, ສາລີແຂງ, ອ້ອຍ, ກ້ວຍ, ມັນຕົ້ນ ແລະ ພືດຜັກ ປອດສານພິດຈໍາ ນວນໜຶ່ງ.

+ ຊາວກະສິກອນອາກຊັງຕິນແຈກຜັກຟຣີ ປະທ້ວງລາຄາຕົກຕໍ່າ

+ ປີນີ້ທະນາຄານກະສິກອນໄທຢູ່ລາວຕັ້ງເປົ້າບັນລຸຍອດສີນເຊື່ອ 1.800 ລ້ານບາດ

ຫົວໜ້າຂະແໜງດັ່ງກ່າວ ໃຫ້ຮູ້ວ່າ: ໄລຍະນີ້ສະພາບດິນ ຟ້າອາກາດເຫັນວ່າບໍ່ເອື້ອອຳ ນວຍ ບາງໄລຍະມີແດດຕິດຕໍ່ກັນ ຫລາຍມື້, ບາງໄລຍະມີຝົນຕົກ ຕິດຕໍ່ຫລາຍວັນໂດຍສະເພາະ ໃນໄລຍະຕົກກ້າແມ່ນມີແດດຫລາຍ ເຮັດໃຫ້ກ້າມີເພ້ຍ ແລະ ໄລຍະປັກ ດຳພັດມີຝົນຕົກຫລາຍເຮັດໃຫ້ ການປັກດຳຂອງກະສິກອນພົບຄວາມຫຍຸ້ງຍາກ, ແນວໃດກໍ ຕາມເພື່ອຮັບປະ ກັນໃຫ້ການຜະລິດໄດ້ຮັບຜົນດີ ແລະ ມີສະມັດ ຕະພາບສູງ ຂໍໃຫ້ກະສິກອນເອົາ ໃຈໃສ່ເສຍຫຍ້າໃສ່ ຝຸ່ນຄວບຄຸມ ລະດັບນ້ຳບ່ອນທີ່ມີເງື່ອນໄຂ, ຕິດຕາມເຝົ້າລະວັງການລະບາດຂອງ ພະຍາດພຶດ ຫລື ສັດຕູ ພືດໂດຍສະເພາະແມ່ນຕັກກະ ແຕນທີ່ກຳລັງລະບາດຢູ່ທາງ ພາກເໜືອຖ້າພົບເຫັນຜິດປົກ ກະຕິໃຫ້ແຈ້ງວິຊາການກະສິ ກຳປະຈຳບ້ານ, ຫ້ອງການກະສິ ກຳປ່າໄມ້ ເມືອງ ຫລື ຂະແໜງ ປູກຝັງໃຫ້ຊາບທັນທີເພື່ອ ສົ່ງວິຊາການລົງແກ້ ໄຂໃຫ້ ທ່ວງ ທັນເວລາ.