ສປຊ ເຜີຍແຜ່ບົດລາຍງານການພັດທະນາມະນຸດ 2016
ໂຄງການສະຫະປະຊາຊາດເພື່ອການພັດທະນາ ຫຼື UNDP ໄດ້ເຜີຍແຜ່ບົດລາຍງານ ການພັດທະນາມະນຸດ 2016 ຢູ່ນະຄອນຫຼວງສະໂຕໂຄມ ປະເທດຊູແອັດ ໃນວັນທີ 21 ມີນານີ້ ໂດຍຊີ້ໃຫ້ເຫັນວ່າ: ໃນວຽກງານບູລິມະສິດການພັດທະນາທົ່ວໂລກ, ກຸ່ມທີ່ຕົກຢູ່ທ່າອ່ອນທີ່ສຸດໃນໂລກຍັງຄົງຖືກເບິ່ງຂ້າມ.
ບົດລາຍງານຊີ້ວ່າ: ອີງຕາມຕົວເລກດັດຊະນີການພັດທະນາມວນມະນຸດ, ລະດັບການພັດທະນາໂດຍສະເລ່ຍໃນພາກພື້ນທົ່ວໂລກໄດ້ຮັບຄວາມກ້າວໜ້າຢ່າງພົ້ນເດັ່ນແຕ່ປີ 1990-2015, ແຕ່ຍັງມີປະຊາກອນ 1/3 ດໍາລົງຊີວິດຢູ່ລະດັບຕໍ່າ. ຂະນະດຽວກັນ, ປະເທດທີ່ພັດທະນາແລ້ວກໍຕ້ອງແກ້ໄຂສິ່ງທ້າທາຍຈາກບັນຫາທຸກຍາກ ແລະ ການແຕກໂຕນກັນທາງສັງຄົມ. ທັງນີ້ມີປະຊາກອນຜູ້ທຸກຍາກໂດຍທຽບຖານກວ່າ 300 ລ້ານຄົນດຳລົງຊີວິດຢູ່ປະເທດທີ່ພັດທະນາແລ້ວ, ໃນນັ້ນກວ່າ 1/3 ແມ່ນເດັກນ້ອຍ.
ນັບແຕ່ປີ 1990 ເປັນຕົ້ນມາ, ໂຄງການສະຫະປະຊາຊາດເພື່ອການພັດທະນາໄດ້ຮຽບຮຽງ ແລະ ພິມຈຳໜ່າຍບົດລາຍງານການພັດທະນາມະນຸດທົ່ວໂລກຢ່າງເປັນອິດສະຫຼະ ເພື່ອຮ່ວມມືກັບວົງການຕ່າງໆໃນສັງຄົມຊ່ວຍທຸກປະເທດຮັບມືກັບວິກິດການທີ່ເກີດຂຶ້ນ.
