ອາຊີເດີນໜ້າສັກວັກຊີນ ແອສຕຣາເຊເນກາ ເຖິງແມ່ນວ່າຄວາມເຊື່ອໝັ້ນຂອງ ເອີຣົບ ຫຼຸດລົງກໍຕາມ

ສຳນັກຂ່າວຕ່າງປະເທດ ລາຍງານວັນທີ 22 ມີນາ ວ່າ ຫຼາຍຊາດໃນອາຊີເດີນໜ້າໃຊ້ວັກຊີນຕ້ານໂຄວິດ-19 ຂອງ ແອສຕຣາເຊເນກາ ແມ່ນຄວາມເຊື່ອໝັ້ນຂອງຊາວເອີຣົບຈະຫຼຸດລົງກໍຕາມ.

ຫຼາຍຊາດໃນທະວີບອາຊີ ລວມທັງເອີຣົບ ເລີ່ມນຳວັດຊີນຕ້ານໂຄວິດ-19 ຂອງແອສຕຣາເຊເນກາ ກັບຄືນມາໃຊ້ອີກຄັ້ງ ຫຼັງຈາກມີຄຳຢືນຢັນຈາກຫຼາຍອົງກອນ ວ່າວັກຊີນມີຄວາມປອດໄພ ຂະນະທີ່ຜູ້ນຳປະເທດຫຼາຍຊາດກໍເຂົ້າຮັບສັກວັກຊີນໂຄນີ້ ເພື່ອສ້າງຊ່ວຍຄວາມເຊື່ອໝັ້ນ.

ໂດຍເມື່ອວັນສຸກທີ່ຜ່ານມາ ນາຍົກລັດຖະມົນຕີ ບໍຣິດ ຈອນສັນ ຂອງ ອັງກິດ ກໍເຂົ້າຮັບສັກວັກຊີນ ແອສຕຣາເຊເນກາ ເຂັມທຳອິດໂດຍລະບຸວ່າ ເຂົາບໍ່ຮູ້ສຶກອັນໃດເລີຍ ຫຼັງຮັບວັກຊີນ.

ຂະນະໃນວັນນີ້  ທ່ານ ຊູເຈິງຊາງ ນາຍົກລັດຖະມົນຕີຂອງໄຕ້ຫວັນ ກໍເຂົ້າຮັບສັກວັກຊີນເປັນຄົນທຳອິດ.

ຂະນະນີ້ ເຖິງແມ່ນວ່າອົງການຢາຂອງເອີຣົບ ຈະຢືນຢັນເມື່ອວັນພະຫັດທີ່ຜ່ານມາ ວ່າວັກຊີນມີປະສິດທະພາບໃນການປ້ອງກັນໂຣກ ແລະ ບໍ່ໄດ້ເຮັດໃຫ້ເກີດຄວາມສ່ຽງຕໍ່ອາການຫຼອດເລືອອຸດຕັນ ແຕ່ຜ່ານການສຳຫຼວດຄວາມເຊື່ອໝັ້ນ ເມື່ອວັນຈັນທີ່ຜ່ານມາ ພົບວ່າປະຊາຊົນໃນ 7 ຊາດໃນເອີຣົບມີຄວາມເຫັນໃນທ່າອ່ຽງທີ່ວ່າ ວັກຊີນບໍ່ມີຄວາມປອດໄພຫຼາຍກວ່າທີ່ຈະປອດໄພ.