ລັດຖະມົນຕີການຕ່າງປະເທດ ສະຫະລັດ ໃຫ້ຄຳໝັ້ນສັນຍາວ່າ ຈະໃຫ້ ສປປ ເກົາຫຼີ ປອດອາວຸດນິວເຄລຍ

ສຳນັກຂ່າວຄ່າງປະເທດລາຍງານເມື່ອວັນທີ 18 ມີນານີ້ ໃຫ້ຮູ້ວ່າໃນຂະນະທີ່ ທ່ານ Antony Blinken ພົບປະກັບຄູ່ຕຳແໜ່ງຂອງ ສ ເກົາຫຼີ ທ່ານ Chung Eui-yong ນັ້ນ, ທ່ານ Antony Blinken ລັດຖະມົນຕີການຕ່າງປະເທດຂອງສະຫະລັດ ກ່າວວ່າ “ໂຄງການນິວເຄລຍ, ລູກສອນໄຟຂອງເກົາຫຼີເໜືອ ເປັນໄພຂົ່ມຂູ່ຢູ່ໃນພາກພື້ນ ແລະ ໃນໂລກ. ສະຫະລັດຈະຮ່ວມມືກັບ ສ ເກົາຫຼີ, ຍີ່ປຸ່ນ ແລະ ຫຼາຍຊາດພັນທະມິດ ຈະຮ່ວມມືກັນເຮັດໃຫ້ເກົາຫຼີເໜືອປອດນິວເຄລຍ”.

ທ່ານ Antony Blinken ກ່າວຢໍ້າວ່າ “ຄວາມສຳພັນລະຫວ່າງສະຫະລັດ – ສ ເກົາຫຼີ ເປັນບັນຫາ ຫຼັກ ໃນຄວາມຮັບປະກັນໃຫ້ແກ່ ສັນຕີພາບ, ຄວາມໝັ້ນຄົງ ແລະ ວັດທະນາຖາວອນ ຊຶ່ງບໍ່ສະເພາະແຕ່ໃຫ້ກັບສອງປະເທດນີ້ເທົ່ານັ້ນ ແຕ່ຫາກໃຫ້ທົ່ວທັງພາກພື້ນ ອິນເດຍ-ປາຊີຟິກອີກ ແລະ ທົ່ວທັງໂລກອີກດ້ວຍ. ລັດຖະມົນຕີປ້ອງກັນປະເທດ Lloyd Austin ແລະ ຂ້າພະເຈົ້າມີໜ້າຢູ່ທີ່ນີ້ ກໍເພື່ອຢືນຢັນໃຫ້ເຫັນຄຳໝັ້ນສັນຍາຂອງສະຫະລັດຕໍ່ກັບສາຍສຳພັນຂອງພັນທະມິດ. ພວກເຮົາຢາກໃຫ້ບັນລຸເປົ້າໝາຍສາຍຕາໃນການເບີ່ງຂົງເຂດພາກພື້ນອິນເດຍ-ປາຊີຟິກ ແບບເສລີພາບ ແລະ ເປີດກວ້າງ ກໍຄືບັນຫາສິດທິມະນຸດ, ປະຊາທິປະໄຕ ແລະ ທາງກົດໝາຍ”.

ຄາດວ່າ ວັນທີ 18 ມີນານີ້, ລັດຖະມົນຕີການຕ່າງປະເທດ ແລະ ລັດຖະມົນຕີປ້ອງກັນປະເທດຂອງສະຫະລັດ ຈະເຂົ້າຮ່ວມກອງປະຊຸມໃນກອບ ວຽກງານປ້ອງກັນຊາດ Suh Wook ກັບ ລັດຖະມົນຕີການຕ່າງປະເທດຂອງ ສ.ເກົາຫຼີ ທ່ານ Chung Eui-yong  ເພື່ອປຶກສາຫາລືບັນຫາສະຖານະການໃນຂົງເຂດອາຊີຕາເວັນອອກສຽງເໜືອ.