ເນປານ ສັ່ງສອບສວນກໍລະນີເຈົ້າຊາຍ ບາເຣນ ນຳເຂົ້າວັກຊີນໂຄວິດ 2.000 ໂດສ ບໍ່ແຈ້ງທາງການ

ຂ່າວຕ່າງປະເທດ ລາຍງານເມື່ອວັນທີ 17 ມີນານີ້ ໃຫ້ຮູ້ວ່າ ເນປານ ສັ່ງສອບສວນ ກໍລະນີເຈົ້າຊາຍ ບາເຣນ ເດີນທາງເຂົ້າປະເທດພ້ອມວັກຊີນຕ້ານໂຄວິດ-19 ເອສຕຣາເຊເນກາ 2.000 ໂດສໂດຍບໍ່ມີການແຈ້ງຕໍ່ທາງການ. ສະຖານທູດ ບາເຣນ ລະບຸວ່າ ເຈົ້າຊາຍຈະຊົງນຳໄປບໍລິຈາກໃຫ້ຊາວບ້ານໃນພື້ນທີ່ຫ່າງໄກ.

ເມື່ອວັນທີ 16 ມີນາ ເວັບໄຊ້ ຂ່າວ ບີບີຊີ ລາຍງານວ່າ ອົງການອາຫານ ແລະ ຢາ ຂອງເນປານ ເປີດເຜີຍວ່າ ກຳລັງດຳເນີນການສອບສວນກໍລະນີເຈົ້າຊາຍ ໂມຮາເມັດ ຮາມັດ ອັນຄາລີຟາ ແຫ່ງບາເຣນ ເດີນທາງເຖິງ ເນປານ ເມື່ອວັນທີ 15 ມີນານີ້ ໂດຍມີທິມງານຂອງພະອົງ ນຳວັກຊີນເຂົ້າມາດ້ວຍ ເປັນຈຳນວນ 2.000 ໂດສ. ຜ່ານການກວດສອບພົບວ່າ ເປັນວັກຊີນຕ້ານໂຄວິດ-19 ແອສຕຣາເຊເນກາ ທີ່ບໍ່ມີການແຈ້ງ ຫຼື ຂໍອະນຸຍາດ  ນຳເຂົ້າວັກຊີນຕາມລະບຽບຂໍ້ກົດໝາຍຂອງທາງການເນປານ.

ໂຄສົກຂອງບໍລິສັດ ເຊເວັນ ຊຳມິດ ເທຣດ  ທີ່ໃຫ້ເປັນຂອງຂວັນກັບເຈົ້າຊາຍ ໂມຮາເມັດ ຮາມັດ ໂມຮາເມັດ  ອັນຄາລີຟາ ເປີດເຜີຍວ່າ ເຈົ້າຊາຍມີຈຸດປະສົງທີ່ຈະບໍລິຈາກວັກຊີນໃຫ້ກັບປະຊາຊົນ ໃນພື້ນທີ່ຫ່າງໄກ.