6 ສິ່ງທີ່ຄວນຢຸດເຮັດ ເພື່ອການໃຊ້ຊີວິດທີ່ມີຄວາມສຸກຫລາຍກ່ວາເກົ່າ
March 17, 2021 - 10:04 AM
- ຊົາຄາດຫວັງຄວາມສຸກຈາກຄົນອື່ນ : ຄວາມສຸກເປັນສິ່ງທີ່ຕ້ອງເກີດຂຶ້ນຈາກໂຕເຮົາເອງ ເລີ່ມຕົ້ນຈາກໂຕເຮົາໃຫ້ໄດ້ສາກ່ອນ ແລ້ວຈຶ່ງຄ່ອຍຍື່ນໄປໃຫ້ຄົນອື່ນ ຈາກນັ້ນຈະສຳຜັດໄດ້ເຖິງຄວາມສຸກທີ່ແທ້ຈິງຈາກການ “ໃຫ້” ເຫລົ່ານັ້ນ.
- ເຊົາຕົວະຕົນເອງ : ການຕົວະຕົນເອງຕະຫລອດຈະເຮັດໃຫ້ທ່ານຮັບມືກັບຊີວິດໃນຄວາມເປັນຈິງ ຫລື ຊີວິດຈິງທີ່ກຳລັງພະເຊີນຢູ່ໄດ້ຍາກຂຶ້ນ.
- ເຊົາຍຶດຕິດກັບອະດີດ : ການຄິດໝົກໝຸ້ນຢູ່ກັບອະດີດທີ່ຍ້ອນກັບໄປແກ້ໄຂບໍ່ໄດ້ຈະເຮັດໃຫ້ທ່ານເບິ່ງບໍ່ເຫັນເລື່ອງດີໆໃນປັດຈຸບັນ.
- ເຊົາຄິດວ່າທ່ານບໍ່ພ້ອມ : ບາງເທື່ອທ່ານລໍຖ້າໃຫ້ຕົນເອງພ້ອມຈົນບໍ່ໄດ້ເລີ່ມລົງມືເຮັດຫຍັງຈັກຢ່າງ ແລະ ປ່ອຍໃຫ້ໂອກາດດີໆຫລຸດລອຍໄປ.
- ເຊົາແລ່ນໜີບັນຫາ : ກ້າວຂ້າມອະດີດ ຖືມັນໄວ້ເປັນບົດຮຽນສຳຄັນ ແລະ ເອົາມາປັບປຸງໃຊ້ໃນຊີວິດປະຈຳວັນ ລອງກ້າທີ່ຈະຕໍ່ສູ້ ແລະ ເອົາຊະນະບັນຫາໃຫ້ໄດ້.
- ເຊົາແຂ່ງກັບຄົນອື່ນ : ຕັ້ງເປົ້າໝາຍໃນການແຂ່ງຂັນກັບໂຕທ່ານເອງ, ເອົາຊະນະໂຕເອງໃນມື້ກ່ອນໆໃຫ້ໄດ້ ແລະ ສິ່ງສຳຄັນຢ່າດູໝິ່ນຕົນເອງໂດຍການປຽບທຽບກັບຄົນອື່ນ.
