ສະຫະລັດອາເມລິກາ ມີລັດຖະມົນຕີ ເປັນຄົນເຜົ່າພື້ນເມືອງຄົນທຳອິດໃນປະຫວັດສາດ

ສຳນັກຂ່າວ ຣອຍເຕີ ລາຍງານເມື່ອວັນທີ 16 ມີນານີ້ ໃຫ້ຮູ້ວ່າ ວຸດທິສະພາຂອງສະຫະລັດ ໄດ້ຮັບຮອງເອົາທ່ານນາງ Deb Haaland ເປັນລັດຖະມົນຕີກະຊວງພາຍໃນ ໃນວັນທີ 15 ມີນານີ້, ດ້ວຍຄະແນນສຽງສະໜັບສະໜູນ 51 ສຽງ ແລະ ງົດອອກສຽງ 40 ສຽງ.

ທ່ານນາງ Deb Haaland ເປັນໜຶ່ງໃນຜູ້ຍິງ 2 ຄົນ ຊຶ່ງເປັນຜູ້ຍິງເຜົ່າພື້ນເມືອງໂດຍແທ້ ຄົນທຳອິດໃນປະຫວັດສາດຂອງສະຫະລັດ ທີ່ຖືກເລືອກຕັ້ງໃຫ້ເປັນສະມາຊິກສະພາແຫ່ງຊາດສະຫະລັດໃນປີ 2018. ການທີ່ທ່ານໄດ້ເຂົ້ານັ່ງໃນຕຳແໜ່ງລັດຖະມົນຕີກະຊວງພາຍໃນນັ້ນ ແມ່ນໄດ້ສຽງສະໜັບສະໜູນຈາກຫຼາຍເຜົ່າພື້ນເມືອງໃນທ້ອງຖິ່ນ ແລະ ກຸ່ມສະໜັບສະໜູນສິ່ງແວດລ້ອມ.

ເຖິງຢ່າງໃດກໍຕາມ, ທ່ານນາງ Deb Haaland ຍັງຈະຕ້ອງປະເຊີນໜ້າກັບຫຼາຍສິ່ງບັນຫາທ້າທາຍຈາກນັກການເມືອງຂອງພັກ ຣີພັບຣີກັນ  ຊຶ່ງມີຄວາມສົງໄສຕໍ່ການສະໜັບສະໜູນຂອງເຂົາຕໍ່ກັບວິທີການແກ້ໄຂບັນຫາການປ່ຽນແປງຂອງດິນຟ້າອາກາດ Green New Deal.

ທ່ານລັດຖະມົນຕີຄົນນີ້ ຍັງຈະມີໜ້າທີ່ຕິດຕາມບັນດານະໂຍບາຍ ການນຳໃຊ້ທີ່ດິນໃນຈຳນວນ 2 ລ້ານກີໂລຕາແມດ ໃຫ້ກັບຊົນເຜົ່າພື້ນເມືອງສ່ວນນ້ອຍ.  ໂດຍເປັນວົງຄະນາຍາດຂອງເຜົ່າ Laguna Pueblo ທ່ານຈະເຮັດໜ້າທີ່ຕິດຕາມສາຍພົວພັນຂອງລັດຖະບານສະຫະລັດ ຕໍ່ກັບຊົນເຜົ່າສ່ວນນ້ອຍປະມານ 574 ຄົນໃນສະຫະລັດອີກຕໍ່ໄປ.

ທ່ານ Ben Ray Lujan ຜູ້ກຳກັບການອອກສຽງ ໃນລັດຖະສະພາ ໃຫ້ຮູ້ວ່າ ການທີ່ທ່ານນາງ Ben Ray Lujan ໄດ້ເປັນລັດຖະມົນຕີນັ້ນ ມັນສົ່ງສັນຍານເຕືອນເຖິງຄວາມຕັ້ງໜ້າໃນຄວາມເອົາໃຈໃສ່ຂອງລັດຖະບານຕໍ່ກັບຊົນເຜົ່າພື້ນເມືອງວ່າ: “ທ່ານນາງ Ben Ray Lujan ເປັນຕົວແທນໃຫ້ກັບຄຳເວົ້າທີ່ວ່າ: ຖ້າເຈົ້າເບິ່ງເຫັນສິ່ງໃດ ເຈົ້າກໍມັກຈະເປັນສິ່ງນັ້ນ”.