ອັດຕະປື ໄຂກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 2 ສະໄໝທີ Xl
ໃນວັນທີ 12 ມີນານີ້, ແຂວງອັດຕະປື ໄດ້ໄຂກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 2 ສະໄໝທີ Xl ຂຶ້ນທີ່ຫ້ອງປະຊຸມສໍານັກງານອົງການປົກຄອງແຂວງ, ໂດຍພາຍໃຕ້ການເປັນປະທານຂອງສະຫາຍ ເລັດ ໄຊຍະພອນ ກຳມະການສູນກາງພັກ ເລຂາພັກແຂວງເຈົ້າອັດຕະປື, ມີບັນດາ ຄະນະປະຈໍາພັກແຂວງ ເຂົ້າຮ່ວມ.
ໃນກອງປະຊຸມໄດ້ຜ່ານບົດສະຫລຸບການຊີ້ນໍາ-ນໍາພາ ວຽກງານຮອບດ້ານຂອງແຂວງ ປະຈໍາປີ 2020. ເຊິ່ງໄລຍະ 1 ປີຜ່ານມາ ຄະນະບໍລິຫານງານພັກແຂວງອັດຕະປື ສະໄໝທີ່ Xl ໄດ້ຖືເອົາການກໍ່ສ້າງ ແລະ ປັບປຸງພັກຕາມ 5 ຫລັກການ 3 ທິດນໍາຕິດພັກກັບ ລັກສະນະການນໍາພາ, ສຶກສາອົບຮົມ ແລະ ຕໍ່ສູ້ຂອງພັກ ເພື່ອກໍ່ສ້າງພັກ ປອດໃສ-ເຂັ້ມແຂງ ແລະ ໜັກແໜ້ນ ເຮັດໃຫ້ມີຜົນສໍາເລັດຢ່າງໜ້າເພິ່ງພໍໃຈ. ເຊິິ່ງທົ່ວແຂວງມີຮາກຖານພັກ 553 ຮາກຖານ ແລະ ມີສະມາຊີກພັກ 9.596 ສະຫາຍ. ໃນປີ 2020 ປະເມີນສ້າງໜ່ວຍພັກປອດໃສ ເຂັ້ມແຂງ ແລະ ໜັກແໜ້ນ ໄດ້ 219 ໜ່ວຍ, ຂະຫຍາຍພັກໄດ້ 933 ສະຫາຍ,ຍິງ 257 ສະຫາຍ, ຕິດພັນກັບເຮັດວຽກງານປ້ອງກັນພັກ, ພະນັກງານ ໄດ້ເປັນເຈົ້າການເຄືອນໄຫວຢ່າງຕໍ່ເນື່ອງ ພ້ອມໄດ້ປະຕິບັດວິໃນຕໍ່ສະມາຊິກພັກ.ພະນັກງານ 16 ສະຫາຍ, ໃນນັ້ນປົດຕໍາແໜ່ງ 3 ສະຫາຍ, ໂຈະການເຂົ້າຮວ່ມຊິວິດພັກ 6 ສະຫາຍ,ໄລ່ອອກຈາກພັກ 7 ສະຫາຍ. ພອ້ມໄດ້ສຸມໃສ່ການເພີ່ມທະວິນໍາພາຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບ ຕິດພັນກັບການຮັກສາຄວາມໜັ້ນຄົງຂອງຊາດ ເຮັດໃຫ້ພາຍໃນມີຄວາມສະຫງົບປອດໄພໂດຍພື້ນຖານ,ມີສະຖຽນລະພາບທາງດ້ານເມືອງ, ມີຄວາມໝັນຄົງ ເຮັດໃຫ້ການພັດທະນາເສດຖະກິດ-ສັງຄົມຕິດພັນກັບການແກ້ໄຂຄວາມທຸກຍາກຂອງປະຊາຊົນໄດ້ຮັບການແກ້ໄຂຢ່າງຕໍ່ເນື່ອງ.
ພ້ອມນີ້, ຄະນະພັກແຂວງ ໄດ້ຊີ້ນໍາອົງການປົກຄອງແຂວງ ແລະ ບັນດາເມືອງ ສຸມໃສ່ຢ່າງຕັ້ງໜ້າໃນການພັດທະນາເສດຖະກິດ-ສັງຄົມ ຜ່ານຈັດຕັ້ງປະຕິບັດຕົວຈິງ ໃນປີ 2020 ລວມຍອດຜະລິດຕະພັນບັນລຸໄດ້ 2.295 ຕື້ກີບ,ທຽບໃສ່ 2019 ເພີ່ມຂື້ນ 7,59% ສະເລ່ຍໃສ່ພົນລະເມືອງ ບັນລຸໄດ້ 2.214 ໂດລາຕໍ່ຄົນຕໍ່ປີ,ລື່ນມະຕິສະພາ 72 ໂດລາ,ການລົງທືນຂອງລັດ ມີ 155 ໂຄງການ,ມີມູນຄ່າລົງທຶນ 24 ຕື້ກວ່າກີບ,ບ້ວງປົກກະຕິ ມີ 140 ໂຄງການ,ບ້ວງໄພພິບັດ ມີ 4 ໂຄງການ,ບ້ວງຈັດສັນພູມລໍາເນົາ ມີ 4 ໂຄງການ,ພັດທະນາຊົນນະບົດ ແລະ ລົບລ້າງຄວາມທຸກຍາກ ມີ 7 ໂຄງການ,ການເກັບລາຍຮັບພາຍໃນບັນລຸດໄດ້ 125 ຕື້ກວ່າກີບ,ລາຍຮັບການດຸ່ນດ່ຽງຈາກສູນກາງມີ 37 ຕື້ກວ່າກີບ,ດ້ານລາຍຈ່າຍປະຕິບັດໄດ້ 306 ຕື້ກວ່າກີບ,ສະໝອງສິນເຊື່ອໄດ້ 278 ຕື້ກີບ ແລະ ວຽກງານອື່ນໆກໍ່ໄດ້ຮັບການຊີ້ນໍາ-ນໍາພາ ຢ່າງມີຜົນສໍາເລັດ .
