ກຳປູເຈຍມີຜູ້ເສຍຊີວິດຄົນທຳອິດຈາກໂຄວິດ-19

ໂດຍອີງຕາມການລາຍງານຈາກກະຊວງສາທາລະນະສຸກ ກຳປູເຈຍ ວັນທີ 11 ມີນານີ້ ໃຫ້ຮູ້ວ່າ ກຳປູເຈຍ ໄດ້ມີຜູ້ເສຍຊີວິດຄົນທຳອິດຈາກໂຄວິດ-19 ເມື່ອວັນທີ 11 ມີນາທີ່ຜ່ານມາ.

ຜູ້ທີ່ເສຍຊີວິດຄົນທຳອິດນີ້ ເປັນເພດຊາຍ ອາຍຸ 50 ປີ, ມີຜົນກວດເປັນບວກ ໃນວັນທີ 27 ກຸມພາ. ກ່ອນໜ້ານີ້, ຜູ້ຊາຍຄົນດັ່ງກ່າວ ເປັນໂຊເຟີລົດໃຫ້ກັບຊາວຈີນຄົນໜຶ່ງ ຢູ່ທີ່ເມືອງທ່າກຳປັ່ນ Sihanoukville. ຫຼັງຈາກນັ້ນ, ຊາວຈີນຄົນດັ່ງກ່າວ ກໍໄດ້ຮັບຄຳຢືນຢັນວ່າ ຕິດເຊື້ອໂຄວິດ-19 ເຊັ່ນດຽວກັນ.

ສຳນັກຂ່າວ ຣອຍເຕີ ໃຫ້ຮູ້ວ່າ ກຳປູເຈຍ ເປັນໜຶ່ງໃນຈຳນວນໜ້ອຍຊາດ ໄດ້ຮັບຜົນກະທົບໜ້ອຍຈາກໂຄວິດ-19. ເຖິງຢ່າງໃດກໍດີຈຳນວນຜູ້ຕິດເຊື້ອໃໝ່ໃນປະເທດນີ້ ມີທ່າອ່ຽງເພີ່ມຂຶ້ນນັບແຕ່ວັນທີ 20 ກຸມພາເປັນຕົ້ນມາ. ຂະນະນີ້(ວັນທີ 11 ມີນາ)  ກຳປູເຈຍ ມີຜູ້ຕິດເຊື້ອສະສົມ 1.163 ຄົນ.

ໂຄງການສັກວັກຊີນຂອງກຳປູເຈຍໄດ້ເລີ່ມຂຶ້ນ 1 ເດືອນກ່ນໜ້ານີ້.  ນາຍົກລັດຖະມົນຕີ ຮຸນເຊັນ  ໄດ້ຮັບການສັກວັກຊີນ AstraZeneca ໃນວັນທີ 4 ມີນານີ້, ຊຶ່ງໄດ້ຮັບວັກຊີນຈາກໂຄງການ COVAX ຂອງອົງການອະນາໄມໂລກ ຊ່ວຍເຫຼືອ