ຜູ້ຍິງເກີດອາການຂ້າງຄຽງຫຼາຍກວ່າຜູ້ຊາຍ ຫຼັງສັກວັກຊີນຕ້ານໂຄວິດ-19

ຂ່າວຕ່າງປະເທດ ວັນທີ 9 ມີນານີ້ ໃຫ້ຮູ້ວ່າ ຜູ້ຍິງເກີດອາການຂ້າງຄຽງຫຼາຍກວ່າຜູ້ຊາຍ ຕໍ່ກັບພູມຄຸ້ມກັນ, ຮໍໂມນ ແລະ ປັດໄຈສືບພັນຕ່າງໆ.

ຜົນຂອງການຄົ້ນຄວ້າໃນປີ 2013 ບັນດານັກວິທະຍາສາດຈາກ CDC ແລະ ຈາກອົງການອື່ນໆ ໃຫ້ຮູ້ວ່າ ຜູ້ຍິງທີ່ມີອາຍຸແຕ່ 20 ປີຫາ 59 ປີ ຈະເກີດປະຕິກິລິຍາຂ້າງຄຽງກັບວັກຊີນໄຂ້ຫວັດສູງກວ່າຜູ້ຊາຍ 14 ເທົ່າ ແລະ ຜົນງານວິໄຈໃນປີ 1990ຫາປີ 2016 ຊີ້ວ່າ ຜູ້ຍິງອາຍຸກາງຄົນ 80% ເກີດອາການຊ໋ອກວັກຊີນ.

ການທີມີປະກົດການດັ່ງກ່າວລະຫວ່າງຜູ້ຍິງກັບຜູ້ຊາຍ ແມ່ນເນື່ອງມາຈາກຫຼາຍປັດໄຈເຊັ່ນ: ປັດໄຈທາງດ້ານຊີວະສາດ, ຜູ້ຍິງມີຫຼາຍພະຍາດກວ່າຜູ້ຊາຍ, ຄວາມແຕກຕ່າງຂອງການສືບພັນ…

ເຖິງຢ່າງໃດກໍຕາມ ການເກີດອາການຂ້າງຄຽງນັ້ນ ບໍ່ເຖິງຂັ້ນໜ້າເປັນຫວ່ງປານໃດ, ການເກີດອາການຂ້າງຄຽງເປັນເລື່ອງທຳມະດາ ນັ້ນມັນສັນຍານເຕືອນໃຫ້ຮູ້ວ່າ ວັກຊີນກຳລັງອອກລິດ ແລະ ເກີດຂຶ້ນໃນໄລຍະອັນສັ້ນ.