ຕຳຫລວດ ສ.ເກົາຫລີ ຈັບ 7 ຄົນໄທ ເຊື່ອງຢາເສບຕິດໄວ້ໃນຖົງວິຕາມິນ
ຕຳຫລວດທ້ອງຖິ່ນ ສ.ເກົາຫລີ ຈັບກຸມຄົນໄທ 7 ຄົນທີ່ລັກລອບນຳເອົາຢາເສບຕິດມູນຄ່າ 15,3 ພັນລ້ານວອນ ເຊື່ອງໄວ້ໃນຖົງວິຕາມິນ.
ວັນທີ 8 ມີນາ 2021, ສຳນັກຂ່າວຍອມຮັບ ສ.ເກົາຫລີ ລາຍງານວ່າ: ສຳນັກງານຕຳຫລວດຊອນບຸກກຳລັງສອບສວນຄົນໄທ 7 ຄົນ ທີ່ເຂົ້າປະເທດ ສ.ເກົາຫລີ ແບບຜິດກົດໝາຍ ແລະ ພົບວ່າໄດ້ລັກລອບນຳເອົາສານເສບຕິດຈຳນວນ 5 ກິໂລກຣາມ ແລະ ຢາບ້າອີກ 1 ໝື່ນເມັດ ເຂົ້າມາຂາຍໃຫ້ຄົນໄທທີ່ເຮັດວຽກຢູ່ ສ.ເກົາຫລີ ນັບແຕ່ເດືອນກັນຍາປີ 2020.
ໂດຍລັກລອບເຊື່ອງຈາກການປອມໃສ່ຖົງວິຕາມິນຍີ່ຫໍ້ໜຶ່ງ ແລະ ມີການຈັດສົ່ງບໍລິການຜ່ານໄປສະນີແບບດ່ວນພິເສດລະຫວ່າງປະເທດ (EMS) ເຊິ່ງພົບວ່າມີມູນຄ່າຫລາຍກວ່າ 15,3 ພັນລ້ານວອນ.
ເຊິ່ງໜຶ່ງໃນຜູ້ຖືກສົງໄສອາຍຸ 27 ປີ ມີການສົ່ງມອບຢາເສບຕິດທີ່ລັກລອບເຫລົ່ານີ້ ມາໃຫ້ຕົວແທນຈຳໜ່າຍຕາມພາກພື້ນຕ່າງໆຂອງປະເທດອີກເທື່ອໜຶ່ງ ເພື່ອກະຈາຍໄປໃຫ້ແຮງງານໄທໃນແຕ່ລະພື້ນທີ່ ບໍ່ວ່າຈະເປັນແຂວງຊຸງຊອງທີ່ຢູ່ຕອນກາງ ແລະ ແຂວງຊໍລາທີ່ຢູ່ທາງຕາເວັນຕົກສຽງໃຕ້ຂອງ ສ.ເກົາຫລີ.
