ລາຊະອານາຈັກອັງກິດ(UK)ພົບໂຄວິດ-19 ກາຍພັນສາຍພັນໃໝ່ ອີກຊະນິດໜຶ່ງ

ຂ່າວຕ່າງປະເທດ ວັນທີ 6 ມີນານີ້ລາຍງານວ່າ ລາຊະອານາຈັກອັງກິດ(UK) ພົບເຊື້ອໂຄວິດ-19 ສາຍພັນໃໝ່ອີກຊະນິດໜຶ່ງ. ຂະນະນີ້ເຈົ້າໜ້າທີ່ ກຳລັງເລັ່ງສອບສວນຫຼັງພົບຜູ້ຕິດເຊື້ອໂຄວິດຊະນິດໃໝ່ນີ້ 16 ຄົນແລ້ວ ເຊື່ອວ່າເຊື້ອໄວຣັດ ມໍລະນະກາຍພັນຊະນິດນີ້ ສາມາດຕ້ານພູມຄຸ້ມກັນໃນຮ່າງກາຍຂອງມະນຸດໄດ້.

ເວັບໄຊ ເດລີເມລ ລາຍງານກະຊວງສາທາລະສະສຸກ ລາຊະອານາຈັກອັງກິດ ເປີດເຜີຍວ່າ ໃນວັນທີ 5 ມີນານີ້ໄດ້ພົບເຊື້ອໄວຣັດໂຄໂຣນາສາຍພັນໃໝ່ 2019 ອີກສາຍພັນໜຶ່ງ ໃນລາຊະອານາຈັກອັງກິດ ໂດຍຂະນະນີ້ເຈົ້າໜ້າທີ່ສາທາລະນະສຸກກຳລັງເລັ່ງສອບສວນຜູ້ຕິດເຊື້ອໂຄວິດ-19 ກາຍພັນໃໝ່ນີ້ແລ້ວຈຳນວນ 16 ຄົນເພື່ອຕິດຕາມຄວາມເປັນໄປໄດ້ວ່າຕີດເຊື້ອມາຈາກໃສ.