ທ່ານ ຄີມຈອງອູນ ກ່າວເຖິງແຜນຍຸດທະສາດເສດຖະກິດໃໝ່ຂອງ ສປປ ເກົາຫຼີ

ລາຍງານຂ່າວຈາກຕ່າງປະເທດ ວັນທີ 4 ມີນານິ້ ໃຫ້ຮູ້ວ່າ ຜູ້ນຳເກົາຫຼີເໜືອ ທ່ານ ຄີມຈອງອູນ ໄດ້ເນັ້ນໃຫ້ເລຂາຄະນະພັກນະຄອນ ແລະ ເມືອງ ເອົາໃຈໃສ່ໃນການປັບປຸງຊີວິດການເປັນຢູ່ຂອງປະຊາຊົນ ແລະ ປະຕິບັດບັນດາມາດຕະການນະໂຍບາຍແຜນເສດຖະກິດ 5 ປີຂອງເຂົາ.

ສຳນັກຂ່າວສານສູນກາງຂອງເກົາຫຼີເໜືອ(KCNA) ລາຍງານເມື່ອວັນທີ 4 ມີນານີ້ ໃຫ້ຮູ້ວ່າ ປະທານຄີມຈອງອູນ ໄດ້ຮຽກຮ້ອງໃຫ້ບັນດາເລຂາຄະນະພັກຂັ້ນຕ່າງໆ ດຳເນີນບາດກ້າວຫັນປ່ຽນໃໝ່ ເພື່ອພັດທະນາຂົງເຂດຂອງລັດຖະບານໃຫ້ສອດຄ່ອງກັບແຜນຍຸດທະສາດ 5 ປີ ທີ່ເຂົາໄດ້ປະກາດໄປໃນກອງປະຊຸມໃຫ່ຍຂອງພັກໃນລະຫວ່າງເດືອນມັງກອນທີ່ຜ່ານມາ. ທ່ານກ່າວວ່າ: “ເວລານີ້ ທຸກສິ່ງທຸກຢ່າງແມ່ນຂຶ້ນຢູ່ກັບຄວາມພະຍາຍາມ ແລະ ບົດບາດອັນໃຫ່ຍຫຼວງຂອງບັນດາເລຂາຄະນະພັກຂັ້ນຕ່າງໆ”