ຜິດປົກກະຕິ ! ເວນິສນ້ຳແຫ້ງ ລະດັບນ້ຳທະເລຫລຸດຕໍ່າລົງ
March 3, 2021 - 3:01 PM
ຄອງນ້ຳເວນິສ ສະຖານທີ່ທ່ອງທ່ຽວຊື່ດັງລະດັບໂລກ ຂອງອິຕາລີ ປັດຈຸບັນກຳລັງປະສົບບັນຫານ້ຳໃນຄອງຫລຸດລະດັບຕໍ່າລົງຢ່າງຜິດປົກກະຕິໃນຫລາຍມື້ຜ່ານມາ ເຮັດໃຫ້ເຮືອກອນໂດລ່າ ທີ່ເຄີຍໃຊ້ສັນຈອນຢູ່ໃນຄອງຊື່ດັງແຫ່ງນີ້ຕ້ອງຈອດຕິດຂີ້ຕົ້ມ.
ທັງນີ້, ໃນຫລາຍປີຜ່ານມາ ເວນິສປະສົບບັນຫານ້ຳທະເລໜູນສູງ ເຮັດໃຫ້ເກີດນ້ຳຖ້ວມຈົນສ້າງຄວາມເສຍຫາຍຕໍ່ເຮືອນ ແລະ ສິ່ງປຸກສ້າງຫລາຍຄັ້ງ, ແຕ່ປັດຈຸບັນ ເວນິສພັດກຳລັງປະສົບບັນຫາລະດັບນ້ຳທະເລຫລຸດຕໍ່າລົງຫລາຍຜິດປົກກະຕິແບບບໍ່ເຄີຍເກີດຂຶ້ນ. ຂະນະທີ່ ສູນເຝົ້າລະວັງລະດັບນ້ຳຂອງເວນິສລາຍງານວ່າ: ລະດັບນ້ຳໃນຄອງເວນິສຫລຸດຕໍ່າລົງກວ່າ 50 ຊັງຕີແມັດ ນັບແຕ່ທ້າຍອາທິດຜ່ານມາ.
