ຊີ້ນງົວ ອົສເຕເລຍ ຈະບໍ່ມີຊື່ຢູ່ໃນລາຍການເມນູ ອາຫານໂລກອີກຕໍ່ໄປ

ວັນທີ່ 3 ມີນານີ້ ຂ່າວຕ່າງປະເທດລາຍງານວ່າ ເນື່ອງຈາກວ່າປະລິມານລັດລ້ຽງໃນ ອົສເຕເລຍ ໄດ້ຫຼຸດລົງຢ່າງໜັກນັບແຕ່ ຕົ້ນຊຸມປີ 90 ເປັນຕົ້ນມາ, ຂະແໜງລ້ຽງສັດຂອງ ອົສເຕເລຍ ກຳລັງປະເຊີນໜ້າກັບການທີ່ຈະຖືກສູນເສຍອັນດັບສອງຂອງໂລກໃນການສົ່ງອອກຊີ້ນງົວອັນເນື່ອງມາຈາກການຕອບສະໜອງປະລິມານຊີ້ນງົວໃຫ້ກັບທ້ອງຕະຫຼາດໂລກບໍ່ພຽງພໍ.

ຂໍ້ມູນໃໝ່ຫຼ້າສຸດ ໃຫ້ຮູ້ວ່າ ທ່າອ່ຽງດັ່ງກ່າວນັບມື້ເພີ່ມຄວາມສ່ຽງສູງຂຶ້ນ ເພາະຂະນະນີ້ ຊາວກະສິກອນຜູ້ລ້ຽງງົວໄດ້ຂາຍງົວແມ່ເຂົ້າໂຮງງານຂ້າສັດກວມເຖິງ 48,2% ລື່ນຕົວເລກຄາດໝາຍທີ່ວາງໄວ້ 47% ເພື່ອໃຫ້ມີງົວແມ່ຂະຫຍາຍພັນຕໍ່ໄປ.

ອີກດ້ານໜຶ່ງ ທີ່ເຮັດໃຫ້ປະລິມານງົວຫຼຸດລົງ ອັນເນື່ອງມາຈາກເກີດໄພແຫ້ງແລ້ງ ເຮັດໃຫ້ທົ່ງຫຍ້າ ໜ້ອຍລົງ, ຊາວກະສິກອນຈຳເປັນຕ້ອງຫຼຸດຈຳນວນງົວລ້ຽງລົງ.

ຊີ້ນງົວໃນຕະຫຼາດໂລກກໍນັບມື້ສູງຂຶ້ນ, ການຕອບສະໜອງຊີ້ນງົວທົ່ວໂລກໜ້ອຍລົງ. ດັ່ງນັ້ນ ຄວາມສ່ຽງຊີ້ນງົວ ອົສເຕເລຍ ຈະຫາຍໄປຈາກບັນຊີລາຍຊື່ໃນລາຍການອາຫານໂລກ ແມ່ນມີຄວາມສ່ຽງສູງ.