ຫວຽດນາມ ມອບຫຼຽນລະນຶກໃຫ້ພະນັກງານແພດໃນຂະນະໄປປະຕິບັດໜ້າທີ່ຕ້ານໂຄວິດ-19 ຢູ່ແຂວງ ຮາຍເຢືອງ ເສຍຊີວິດ

ລາຍງານຂ່າວຈາກ ຮ່າໂນ້ຍ ຫວຽດນາມ ເມື່ອວັນທີ 2 ມີນານີ້ ໃຫ້ຊາບວ່າ ນາງແພດ ວູຖິຕິ່ງ ທີ່ເສຍຊີວິດ ຈາກການເກີດອຸບັດຕິເຫດທາງລົດ ໃນຂະນະທີ່ໄປປະຕິບັດໜ້າທີ່ຕ້ານໂຄວິດ-19 ຢູ່ແຂວງ ຮາຍເຢືອງ ໄດ້ຮັບຫຼຽນກາລະນຶກຈາກກະຊວງສາທາລະນະສຸກ “ເພື່ອສຸຂະພາບຂອງປະຊາຊົນ”.

ວັນທີ 1 ມີນານີ້, ລັດຖະມົນຕີກະຊວງສາທາລະນະສຸກ ຫງວຽນແທັງລ໊ອງ ໄດ້ມອບຫຼຽນກາລະນຶກ “ເພື່ອສຸຂະພາບຂອງປະຊາຊົນ” ໃຫ້ກັບນາງແພດ ວູຖິຕິ່ງ ເປັນພະນັກງານແພດຕາແສງ ວັນໂຕ້, ເມືອງ ຕື້ກີ.

ເວລາປະມານ 18 ໂມງຂອງວັນທີ 25 ກຸມພາທີ່ຜ່ານມາ, ນາງແພດ ຕິ່ງ ໄດ້ເກີດອຸບັດຕິເຫດທາງລົດ ໃນຂະນະທີໄປປະຕິບັດໜ້າທີ່ຕ້ານ-ປ້ອງກັນພະຍາດໂຄວິດ-19 ເວຍຊີວິດ.

ພາຍຫຼັງເກີດອຸບັດຕີເຫດ, ສຳນັກງານ-ອົງການຂັ້ນຕ່າງໆ ຂອງແຂວງຮາຍເຢືອງໄດ້ໃຫ້ການຊ່ວຍເຫຼືອຢ່າງຫຼວງຫຼາຍທີ່ເປັນວັດຖຸປັດໄຈ ເພື່ອເປັນກຳລັງໃຈໃຫ້ແກ່ຄອບຄົວຂອງເຂົາ ເພື່ອແບ່ງເບົາຄວາມຫຍຸ້ງຍາກຂອງຄອບຄົວ.