ເຄື່ອງໝາຍການຄ້າ ບິກຊີ(Big C) ຈະບໍ່ມີຊື່ຢູ່ໃນຫວຽດນາມອີກຕໍ່ໄປ ພາຍຫຼັງປະກົດຕົວຢູ່ຫວຽດນາມເປັນເວລາ 22 ທີ່ຜ່ານມາ
March 3, 2021 - 9:11 AM
ຂ່າວເສດຖະກິດຂອງຫວຽດນາມ ລາຍງານເມື່ອວັນທີ 2 ມີນານີ້ ໃຫ້ຮູ້ວ່າ ບິກຊີ 12 ແຫ່ງໃນຫວຽດນາມ ທີ່ຂຶ້ນກັບ Central Group ນັ້ນ ໄດ້ປ່ຽນຊື່ໃໝ່ ດ້ວຍຖານະໃໝ່ ແລະ ຈະມີບັນຍາກາດຊື້-ຂາຍໃໝ່ນັບແຕ່ວັນທີ 1 ມີນາ ນີ້ ເປັນຕົ້ນໄປ.
ບິກຊີ 7 ແຫ່ງຈະຖືກປ່ຽນຊື່ໃໝ່ເປັນ Top Market ແລະ ອີກ 5 ມະຫາບິກຊີ ກໍປ່ຽນຊື່ໃໝ່ເປັນ GO ຮຽບຮ້ອຍແລ້ວ.
ດັ່ງນັ້ນ, ກໍໝາຍຄວາມວ່າ ພາຍຫຼັງ 22 ປີມີໜ້າຢູ່ໃນຫວຽດນາມ ແລະ ເປັນທີ່ຄຸ້ນເຄີຍດີຂອງຊາວຫວຽດນາມ, ເຄື່ອງໝາຍການຄ້າ ບິກຊີ ຈະບໍ່ມີໜ້າຢູ່ໃນຕະຫຼາດຂອງຫວຽດນາມອີກຕໍ່ໄປ.
ເຖິງຢ່າງໃດກໍຕາມ ການປ່ຽນຊື່ ມັນບໍ່ໄດ້ງ່າຍປານໃດໃນເມື່ອເຄື່ອງໝາຍການຄ້າ ບິກຊີ ມັນໄດ້ຕິດພັນກັບຊີວິດຂອງຊາວຫວຽດນາມແລ້ວ ແລະ ໄດ້ຮັບຄວາມເຊື່ອໝັ້ນຈາກຊາວຫວຽດນາມເປັນເວລາຍາວນານທີ່ຜ່ານມາ.
ຄາດວ່າໃນປີ 2021 ນີ້, ຍັງມີຫຼາຍມະຫາບິກຊີ ໃນຫວຽດນາມກໍຈະຖືກປ່ຽນເປັນຊື່ໃໝ່ ຕາມແຜນການວາງໄວ້
