ຍີ່ປຸ່ນຮຽກຮ້ອງຈີນຍົກເລີກກວດໂຄວິດ-19 ພົນລະເມືອງທາງທະວານໜັກ
ວັນທີ 2 ກຸມພາ 2021, ທາງການຍີ່ປຸ່ນຍື່ນເລື່ອງຜ່ານກະຊວງການຕ່າງປະເທດ ຂໍຮ້ອງຈີນຍົກເລີກກວດຫາການຕິດເຊື້ອໂຄວິດ-19 ຜ່ານທາງທະວານໜັກ ທີ່ເລີ່ມມີການກວດ ແລະ ເຂັ້ມງວດນັບແຕ່ເດືອນມັງກອນຜ່ານມາ, ຊີ້ສົ່ງຜົນກະທົບຕໍ່ສະພາບຈິດໃຈ ໂດຍຊາວຍີ່ປຸ່ນຈຳນວນບໍ່ໜ້ອຍທີ່ຕ້ອງການເດີນທາງເຂົ້າປະເທດຈີນ ແລະ ຂໍໃຫ້ເຂົ້າຮັບການກວດຫາເຊື້ອດ້ວຍວິທີດັ່ງກ່າວ ສົ່ງເຮືອງຮ້ອງຮຽນນີ້ໄປຫາສະຖານທູດຂອງຕົນຢູ່ຈີນ.
ທາງການທ້ອງຖິ່ນໃນຫລາຍເມືອງຂອງຈີນຕ່າງເລີ່ມຫັນມາໃຊ້ວິທີການກວດຫາເຊື້ອປະເພດນີ້ ເຊິ່ງພວກເຂົາເຊື່ອວ່າຈະສາມາດກວດຫາຜູ້ຕິດເຊື້ອໂຄວິດ-19 ໄດ້ແນ່ນອນຍິ່ງຂຶ້ນ. ຂະນະທີ່ເຈົ້າໜ້າທີ່ທາງການທູດຂອງອາເມລິກາເຄີຍໄດ້ຮັບການຂໍໃຫ້ເຂົ້າກວດຫາເຊື້ອທາງທະວານໜັກເຊັ່ນກັນ ເຊິ່ງມາດຕະການດັ່ງກ່າວເປັນມາດຕະການຂ້ອນຂ້າງບໍ່ເໝາະສົມ ໂດຍທາງການຈີນຢືນຢັນວ່າ: ບໍ່ເຄີຍໃຫ້ເຈົ້າໜ້າທີ່ທາງການທູດອາເມລິກາເຂົ້າຮັບການກວດຫາເຊື້ອດ້ວຍວິທີດັ່ງກ່າວແຕ່ຢ່າງໃດ.
ຍີ່ປຸ່ນມີຜູ້ຕິດເຊື້ອໂຄວິດ-19 ສະສົມແລ້ວ 4,3 ແສນຄົນ, ຂະນະທີ່ຜູ້ຕິດເຊື້ອສະສົມຢູ່ຈີນຍັງຢູ່ 8,9 ໝື່ນຄົນ ໂດຍທົ່ວໂລກມີຜູ້ຕິດເຊື້ອໂຄວິດ-19 ສະສົມແລ້ວ 114 ລ້ານກວ່າຄົນ, ປິ່ນປົວຫາຍ 90 ລ້ານກວ່າຄົນ, ເສຍຊີວິດ 2 ລ້ານກວ່າຄົນ.
