ອິຕາລີຂຸດພົບ “ລົດມ້າບູຮານ” ແຫ່ງນະຄອນປອມເປອີ ສະພາບເກືອບສົມບູນ
March 1, 2021 - 2:00 PM
ວັນທີ 28 ກຸມພາ 2021, ຖະແຫລງການຈາກອຸທະຍານບູຮານຄະດີປອມເປອີຂອງອິຕາລີ ລາຍງານການຂຸດພົບ “ລົດມ້າ 4 ຕີນ” ພາຍໃນອຸທະຍານດັ່ງກ່າວ ເມື່ອບໍ່ດົນມານີ້ ເຊິ່ງຖືເປັນຫລັກຖານທາງບູຮານຄະດີທີ່ຫາຍາກໃນປະຫວັດສາດຂອງອິຕາລີ.
ລົດມ້າບູຮານດັ່ງກ່າວຢູ່ໃນສະພາບເກືອບສົມບູນ ແລະ ມີລາຍລະອຽດໃຫ້ເຫັນໄດ້ຈະແຈ້ງ ປະກອບມີຊິ້ນສ່ວນທີ່ເຮັດຈາກເຫລັກ, ຂອງຕົບແຕ່ງທີ່ເຮັດຈາກສຳປະສິດ ແລະ ດີບຸກ, ຊາກໄມ້ທີ່ກາຍເປັນຫີນ ຕະຫລອດຈົນເຊືອກ ແລະ ດອກໄມ້ປະດັບຕ່າງໆ.
ຄະນະບູຮານຄະດີຄາດວ່າລົດມ້າບູຮານຄັນນີ້ເປັນລົດພະຣາຊະພິທີ ເຊິ່ງຖືກນຳໄປໃຊ້ໃນງານສະເຫລີມສະຫລອງ ແລະ ກິດຈະກຳອື່ນໆເປັນສ່ວນຫລາຍ.
