ໂທລະສັບມືຖື ແລະ ແທັບເລັດ Windows 10 ລະດັບດີລຸ້ນໃຫມ່ອາດມາພ້ອມເຕັກໂນໂລຊີ AR/VR ແລະ ເປີດຕົວປີ 2018

Brad Sams ບັນນາທິການບໍລິຫານຂອງ Thurrott.com ກ່າວວ່າ: ອຸປະກອນມືຖື Windows 10 ລຸ້ນຕົ້ນແບບ ກໍາລັງໄດ້ຮັບການທົດລອງໃນປັດຈຸບັນນີ້ຢູ່ສໍານັກງານໃຫຍ່ ​ເຊິ່ງຍັງບໍ່ມີຂໍ້ມູນຈະ​ແຈ້ງວ່າຈະເຫັນໂທລະສັບມືຖື ຫຼື ແທັບເລັດ.

ອຸປະກອນດັ່ງກ່າວຈະບໍ່ໄດ້ຜະລິດໂດຍແຜນ Surface ຂອງ Microsoft  ແຕ່ຄາດວ່າຈະຢູ່ໃນຄວາມຮັບຜິດຊອບ Alex Kipman ​ເຊິ່ງເປັນຜູ້​ເບິ່ງ​ແຍງການພັດທະນາ Microsoft HoloLens ຈຶ່ງເຮັດໃຫ້ມີຄວາມເປັນໄປໄດ້ວ່າອຸປະກອນມືຖື Windows 10 ລຸ້ນໃຫມ່ນີ້ ອາດຈະເນັ້ນດ້ານການ​ໃຊ້ຮ່ວມກັບເຕັກໂນໂລຊີ AR ແລະ VR.

            ກ່ອນໜ້ານີ້ Microsoft ເຄີຍກ່າວວ່າ: ຈະສ້າງອຸປະກອນລະດັບດີ ​ເຊິ່ງຜະລິດດ້ວຍລະບົບ Windows 10 ທີ່ໃຊ້ຄູ່ກັບໜ່ວຍປະມວນຜົນສະຖາປັດຕະຍະກໍາ ARM  ແລະ  Windows Shell  ລຸ້ນໃຫມ່ທີ່ເອີ້ນວ່າ Composable Shell ຫຼື  CShell ສໍາລັບປັບປ່ຽນ UI ເທິງອຸປະກອນ Windows ຕ່າງໆໃຫ້ສອດຄ່ອງກັນຕາມເປົ້າໝາຍ One Windows

ຄາດວ່າໂທລະສັບມືຖື ແລະ ແທັບເລັດ  Windows 10 ລຸ້ນໃຫມ່ ຕ້ອງໃຊ້ເວລາໃນການພັດທະນາອີກຫຼາຍ ແລະ ອາດເປີດຕົວໃນປີ 2018 ສໍາລັບກຸ່ມລູກຄ້າລະດັບອົງກອນເປັນສ່ວນຫລາຍ.