ການນຳລະດັບສູງຂອງບໍລິສັດ ຕາຂ່າຍໄຟຟ້າລັດ ເທັກຊັດ ລາອອກ ເກືອບທັງໝົດ

ລາຍງານຈາກຕ່າງປະເທດ, ວັນທີ 24 ກຸມພານີ້ ໃຫ້ຮູ້ວ່າ ການນຳລະດັບສູງ 4 ຄົນຂອງບໍລິສັດຕາຂ່າຍໄຟຟ້າລັດ ເທັກຊັດ ສະຫະລັດອາເມລິກາ ໄດ້ພ້ອມກັນລາອອກໃນວັນທີ 23 ກຸມພານີ້  ເພາະພວກເຂົາຖືກໂຈມຕີຢ່າງໜັກ ໃນເມື່ອບໍ່ສາມາດບໍລິຫານໄຟຟ້າໄດ້, ປະໃຫ້ປະຊາຊົນຕ້ອງຕົກຢູ່ໃນຄວາມມືດ ແລະ ບໍ່ມີນໍ້າໃຊ້ ອັນເນື່ອງມາຈາກອາກາດໜາວເຢັນ ຫິມະປົກຄຸມກາຍເປັນນໍ້າກ້າມ ເຮັດໃຫ້ກະແສໄຟຟ້າດັບມອດລົງ.

ການນຳເຫຼົ່ານັ້ນ ກ່າວວ່າ “ເພື່ອໃຫ້ການນຳໃນລັດ ເທັກຊັດ ມີການຊີ້ນຳທີ່ຄ່ອງຕົວກວ່າ ໃນອະນາຄົດ  ແລະ ເພື່ອຫຼີກລ່ຽງຄວາມສັບສົນ ພວກເຮົາຈຶ່ງພ້ອມກັນລາອອກ ເພື່ອສະແດງຄວາມຮັບຜິດຊອບ”.

ສຳນັກຂ່າວ ຣອຍເຕີ ລາຍງານວ່າ: ການນຳ 4 ທ່ານທີ່ລາອອກນັ້ນ ຍັງກ່າວຢໍ້າອີກວ່າ “ຫົວໃຈຂອງພວກເຮົາແມ່ນຍັງຢູ່ກັບປະຊາຊົນລັດເທັກຊັດຕະຫຼອດເວລາ ທີ່ຕົກຢູ່ໃນສະພາບທີ່ບໍ່ມີໄຟຟ້າ, ນໍ້າປະປາໃຊ້ ອັນເນື່ອງມາຈາກ ສະພາບອາກາດໜາວເຢັນ ຈົນເຮັດໃຫ້ການເປັນນໍ້ກ້ອນ ແລະ ໃນຂະນະນີ້ ກໍຍັງປະສົບກັບສະພາບດັ່ງກ່າວຢູ່”