ຝຣັ່ງ ລະດົມໃຫ້ພະນັກງານເຮັດວຽກຢູ່ກັບເຮືອນ ປິດປະຕູປະເທດ

ຂ່າວຕ່າງປະເທດລາຍງານເມື່ອວັນທີ 23 ກຸມພານີ້ ໃຫ້ຮູ້ວ່າ: ລັດຖະມົນຕີກະຊວງແຮງງານຂອງ ຝຣັ່ງ ທ່ານນາງ Elisabeth Borne, ເມື່ອວັນທີ 23 ນີ້ ຮຽກຮ້ອງໃຫ້ບັນດາບໍລິສັດຕ່າງໆ ລະດົມໃຫ້ພະນັກງານຂອງຕົນເຮັດວຽກຢູ່ກັບເຮືອນ ຫຼື ເຮັດວຽກທາງອອນລາຍ ເພື່ອປະຕິບັດມາດຕະການປິດປະຕູປະເທດ.

ທ່ານນາງ Elisabeth Borne ໃຫ້ຮູ້ວ່າ ວັນທີ 26 ກຸມພານີ້, ທ່ານຈະລົງໄປພົບປະກັບຜູ້ຕາງໜ້າຂອງຂະແໜງການທະນາຄານ, ອົງການປະກັນສັງຄົມ ຫຼື ເຕັກນິກ ເພາະວ່າບັນດາຂະແໜງການເຫຼົ່ານີ້ ແມ່ນເຮັດວຽກທາງໄກໜ້ອຍທີ່ສຸດໃນໄລຍະຜ່ານມາ.

ຈົນມາເຖິງຂະນະນີ້, ຝຣັ່ງຍັງປິດປະຕູເປັນຄັ້ງທີ 3 ແລ້ວ ແລະ ປະກາດພາວະສຸກເສີນແຕ່ 6 ໂມງແລງຂອງວັນນີ້ ເຖິງ 6 ໂມງເຊົ້າຂອງມື້ຕໍ່ມາ. ໃນຂະນະນີ້ ຝຣັ່ງມີຜູ້ຕິດເຊື້ອສະສົມ 3.609,827 ຄົນ ແລະ ຫຼາຍກວ່າ 250.000 ຄົນໄດ້ຮັບການປິ່ນປົວຫາຍດີ ແລະ ມາເຖິງເວລານີ້ ມີຊາວ ຝຣັ່ງໄດ້ຮັບການສັກວັກຊີນແລ້ວ 2,5 ລ້ານຄົນ, ຫຼາຍກວ່າ 1,1 ລ້ານຄົນໄດ້ສັກເປັນເຂັມທີ 2 ແລ້ວ.