ຕໍາຫລວດໄທບຸກໂຮງງານຜະລິດແປ້ງນົວ, ນ້ຳຢາລ້າງຖ້ວຍ ແລະ ສະບູປອມໄດ້ 22 ໂຕນ
February 23, 2021 - 5:10 PM
ວັນທີ 23 ກຸມພາ 2021, ແຫລ່ງຂ່າວຂອງໄທ ລາຍງານວ່າ: ຕຳຫລວດກອງບັງຄັບການປາບປາມການກະທຳຄວາມຜິດກ່ຽວກັບການຄຸ້ມຄອງຜູ້ບໍລິໂພກຂອງໄທ ເຂົ້າກວດຄົ້ນໂຮງງານເຂດລຳລູກກາ ຈັງຫວັດປະທຸມທານີ ພົບມີການຜະລິດສິນຄ້າປອມແປງຫລາຍຊະນິດເຊັ່ນ: ແປ້ງນົວ, ນ້ຳຢາລ້າງຖ້ວຍ ແລະ ສະບູ ປອມແປງສິນຄ້າຍີ່ຫໍ້ດັງ ຖືກເກັບຮັກສາໄວ້ຢູ່ພາຍໃນສາງດັ່ງກ່າວປະມານ 22 ໂຕນ ລວມມູນຄ່າຄວາມເສຍຫາຍປະມານ 6 ລ້ານບາດ. ເບື້ອງຕົ້ນພົບວ່າສິນຄ້າດັ່ງກ່າວຖືກສົ່ງໄປຂາຍໃນພື້ນທີ່ 3 ຈັງຫວັດຊາຍແດນພາກໃຕ້ ລວມທັງຕະຫລາດນັດຕ່າງໆ ຂາຍໃນລາຄາຖືກກວ່າຕະຫລາດເຄິ່ງຕໍ່ເຄິ່ງ.
