ກຳປູເຈຍໄຟຂຽວເນລະເທດ-ຫ້າມກັບເຂົ້າມາອີກ ຊາວຕ່າງປະເທດທີ່ຝ່າຝືນກົດກັກຕົວໂຄວິດ-19
February 23, 2021 - 2:59 PM
ວັນທີ 23 ກຸມພາ 2021, ທ່ານ ຮຸນເຊນ ນາຍົກລັດຖະມົນຕີກຳປູເຈຍ ອະນຸມັດການເນລະເທດຊາວຕ່າງປະເທດທີ່ຝ່າຝືນຂໍ້ບັງຄັບການກັກກັນຕົວ ເພື່ອສັງເກດອາການພະຍາດຕິດເຊື້ອໄວຣັສໂຄໂຣນາສາຍພັນໃໝ່ (ໂຄວິດ-19), ຫລົບໜີການປິ່ນປົວ ແລະ ປະຕິເສດໃຫ້ການຮ່ວມມືກັບທາງການ.
ໂດຍຈົດໝາຍທີ່ລົງນາມໂດຍທ່ານ ຮຸນເຊນ ໃນວັນທີ 22 ກຸມພາ ລະບຸວ່າ: ການດຳເນີນດັ່ງກ່າວມີຈຸດປະສົງສົ່ງເສີມປະສິດທິພາບການຄວບຄຸມການລະບາດຂອງພະຍາດໂຄວິດ-19 ພາຍໃນຊຸມຊົນ.
ອີກອັນໜຶ່ງ, ກະຊວງສາທາລະນະສຸກຂອງກຳປູເຈຍລາຍງານການກວດພົບຜູ້ຕິດເຊື້ອສະສົມ 593 ຄົນ ເຊິ່ງເປັນຜູ້ຕິດເຊື້ອຫາຍດີ 475 ຄົນ ໂດຍຍັງບໍ່ມີລາຍງານຜູ້ເສຍຊີວິດ ເມື່ອນັບຮອດເຊົ້າວັນທີ 23 ກຸມພາ.
