ເຄື່ອນຍ້າຍເຮືອນເກົ່າແກ່ອາຍຸ 139 ປີ ຢູ່ອາເມລິກາ
ເຮືອນເກົ່າແກ່ອາຍຸອາຍຸ 139 ປີ ຫລັງນີ້ ກຳລັງຖືກເຄື່ອນຍ້າຍດ້ວຍລົດບັນທຸກເຄື່ອນທີ່ແບບຊ້າໆຈາກຖະໜົນ Franklin Street ເພື່ອນຳໄປຕັ້ງຢູ່ແຫ່ງໃໝ່ໃນຖະໜົນ Fulton Street ຫ່າງຈາກບ່ອນເກົ່າໄປ 6 ບັອກ.
ໂດຍລະຫວ່າງທາງມີຊາວເມືອງຊານຟຣານຊິສໂກ ຕ່າງອອກມາຢືນຖ້າຕາມສອງຂ້າງທາງບັນທຶກພາບເຫດການນີ້ໄວ້. ຂະນະທີ່ລົດນັ້ນຕ້ອງເຄື່ອນທີ່ຊ້າໆ ບໍ່ເຖິງ 2 ກິໂລແມັດຕໍ່ຊົ່ວໂມງ ທັງຍັງຕ້ອງມີການເຄື່ອນຍ້າຍປ້າຍຕ່າງໆທີ່ຢູ່ຕາມເສົາໄຟ ຕ້ອງມີການຕັດກິ່ງໄມ້ທີ່ອາດກີດຂວາງເສັ້ນທາງ ຕະຫລອດຈົນຕ້ອງຍ້າຍສັນຍານໄຟຈະລາຈອນອອກຊົ່ວຄາວ ເພື່ອໃຫ້ສາມາດຜ່ານໄດ້ຢ່າງສະດວກ.
ເຖິງຢ່າງໃດກໍຕາມ, ການເຄື່ອນຍ້າຍເຮືອນ 2 ຊັ້ນ 6 ຫ້ອງນອນຫລັງນີ້ ໃຊ້ເວລາກະກຽມມາຫລາຍປີ ແລະ ເຈົ້າຂອງເຮືອນຕ້ອງເສຍຄ່າທຳນຽມ ແລະ ຄ່າໃຊ້ຈ່າຍໃນການຍ້າຍສູງເຖິງ 400.000 ໂດລາສະຫະລັດ.
ທັງນີ້ ເຮືອນຫລັງດັ່ງກ່າວຈະຖືກນຳໄປຕົກແຕ່ງໃໝ່ເພື່ອເປັນທີ່ພັກອາໄສ, ສ່ວນພື້ນທີ່ເກົ່າຈະມີການສ້າງທີ່ພັກອາໄສຂຶ້ນມາແທນ.
