ຄົ້ນພົບໂຮງງານຜະລິດເບຍ ອາຍຸ 5.000 ປີຢູ່ ອີຢິບ

ສຳນັກຂ່າວ ຊີເອັນເອັນ ລາຍງານເມື່ອຕອນເຊົ້າຂອງວັນທີ 16 ກຸມພານີ້ ໃຫ້ຮູ້ວ່າ: ນັກບູຮານຄະດີ ໄດ້ຄົ້ນພົບ ໂຮງງານຜະລິດເບຍຢູ່ທີ່ເມືອງ Sohag ໃນປະເທດອີຢິບ, ຄາດວ່າ ອາດຈະແມ່ນໂຮງງານຜະລິດເບຍ ແຕ່ສະໃໝຂອງພະເຈົ້າຊີວິດ Narmer ຄືກ່ອນຕະສັກກະລາດ  3.100 ປີ ແລະ ອາດຈະເປັນໂຮງງານຜະລິດເບຍທີ່ມີອາຍຸຍາວນານທີ່ສຸດທີ່ພົບເຫັນໃນເມືອງ Abydos.

ດອກເຕີ Mostafa Waziry,ເລຂາສະພາສູງ ກ່ຽວກັບວັດຖຸບູຮານຂອງ ອີຢິບ ໃຫ້ຮູ້ວ່າ: ໂຮງງານເບຍດັ່ງດັ່ງແບ່ງອອກເປັນ 8 ລ໊ອກດ້ວຍກັນ, ແຕ່ລະລ໊ອກມີ ໄຫດິນປະມານ 40 ໜ່ວຍ ເພື່ອໃຊ້ເຂົ້າໃນການ ບົ່ມເຫຼົ້າ.

ທາງເຈົ້າໜ້າທີ່ຂອງ ອີຢິບ ຢາກຈະວາງສະແດງຊິ້ນສ່ວນວັດຖຸບູຮານດັ່ງກ່າວ, ທັງນີ້ກໍເພື່ອເປັນການຊຸກຍູ້ຂະແໜງການທ່ອງທ່ຽວທີ່ກຳລັງໄດ້ຮັບຜົນກະທົບຢ່າງໜັກຈາກ ໂຄວິດ-19 ໃນຂະນະນີ້.