ຣູນີ ຫວນຄືນ ເອຟເວີຕັນ ອີກຄັ້ງແບບບໍ່ມີຄ່າໂຕ ເຊັນສັນຍາເປັນເວລາ 2 ປີ

ສະໂມສອນ ເອຟເວີຕັນ ຖະ ແຫຼງການຜ່ານທາງເວັບຢ່າງ ເປັນທາງການຂອງທີມ ສຳລັບ ການບັນລຸຂໍ້ຕົກລົງຄວ້າໂຕ ເວນ ຣູນີ ກອງໜ້າຫົວໜ້າທີມ ແມນ ເຊສເຕີ ຢູໄນເຕັດ ກັບມາຮ່ວມທີມ ອີກຄັ້ງ ເຊັນສັນຍາໄລຍະເວລາ 2 ປີ.
ດາວເຕະອາຍຸ 31 ປີເຈົ້າ ຂອງສະຖິຕິຍິງປະຕູສູງສຸດຕະ ຫຼອດການໃນນາມ ທີມຊາດອັງ ກິດ ເກີດທີ່ເມືອງລິເວີພູລ ແລະ ເປັນກອງເຊຍ ເອເວີຕັນ ຕັ້ງແຕ່ ເດັກ ກ່ອນເຕີບໃຫຍ່ຂຶ້ນມາໃນທີມ ເຍົາວະຊົນ ຈົນກ້າວຂຶ້ນສູ່ທີມຊຸດ ໃຫຍ່ ໄດ້ປະເດີມສະໜາມໃນອາຍຸ ພຽງ 16 ປີເທົ່ານັ້ນ ໂດຍ ຣູນີ ລົງຫຼິ້້ນໃຫ້ ເອຟເວີຕັນ ໄປທັງໝົດ 77 ນັດ ຍິງໄດ້ 17 ປະຕູ ຈາກ ນັ້ນຍ້າຍໄປຫຼິ້ນໃຫ້ ແມນເຊສເຕີ ຢູໄນເຕັດ ໃນປີ 2004 ເຊິ່ງລາວ ສາມາດຄວ້າແຊ໊ມມາຄອງໄດ້ ຫຼວງຫຼາຍທີ່ສະໜາມ ໂອລແທຣັບ ຟອດ ແຕ່ລະດູການ 2016-17 ຜ່ານມາ ຣູນີ ເປັນພຽງສ່ວນເກີນ ຂອງທີມພາຍໃຕ້ການຄຸມທີມ ຂອງ ໂຮເຊ ມູຣິນໂຢ ເຮັດໃຫ້ຕັດ ສິນໃຈຍ້າຍກັບຄືນທີມເກົ່າ ເພື່ອ ຫາໂອກາດໃນການລົງສະໜາມຢ່າງສະໝ່ຳສະເໝີ.
ຫຼັງຍ້າຍກັບທີມເກົ່າ ຣູນີ ເປີດໃຈວ່າ: “ຂ້ອຍຮູ້ສຶກດີຫຼາຍ ທີ່ກັບມາບ່ອນນີ້ ຂ້ອຍຕື່ນເຕັ້ນ ຂ້ອຍລໍຖ້າທີ່ຈະໄດ້ພົບກັບໝູ່ຮ່ວມທີມ, ໄດ້ລົງສະໜາມເຝິກຊ້ອມ ແລະ ໄດ້ລົງຫຼິ້້ນແທບບໍ່ໄຫວແລ້ວ ຂ້ອຍຮູ້ສຶກຍິນດີເປັນຢ່າງຍິ່ງ ຂ້ອຍຕື່ນເຕັ້ນກັບການເສີມທັບ ຂອງທີມໃນລະດູການນີ້ ສະໂມ ສອນກຳລັງກ້າວເດີນໄປໜ້າ ນີ້ຄື ທີມທີ່ສົມຄວນໄດ້ແຊ໊ມ ເຮົາກຳ ລັງມີກ້າວທີ່ຍິ່ງໃຫຍ່ ແລະ ພະຍາ ຍາມຈະຄວ້າແຊ໊ມມາຄອງໃຫ້ ໄດ້”.
ດ້ານ ໂຣນັລ ຄູມັນ ຜູ້ຈັດ ການທີມກ່າວວ່າ: “ຣູນີ ສະແດງ ໃຫ້ຂ້ອຍເຫັນເຖິງຄວາມທະເຍີທະຍານ ເຮົາຕ້ອງການຜູ້ຫຼິ້ນທີ່ມີຈິດ ໃຈຂອງຜູ້ຊະນະ ລາວຮູ້ວ່າຕ້ອງ ເຮັດຫຍັງຈຶ່ງຈະໄດ້ແຊ໊ມ ແລະ ຂ້ອຍມີຄວາມສຸກຫຼາຍທີ່ລາວຕັດສິນໃຈຍ້າຍກັບມາ ເອຟເວີຕັນ ລາວມີຄວາມສຸກທີ່ໄດ້ກັບມາ ລາວອາຍຸ 31 ປີແລ້ວ ແຕ່ຂ້ອຍ ບໍ່ສົງໄສໃນຄວາມສາມາດຂອງ ລາວ ມັນດີເດັ່ນຫຼາຍທີ່ໄດ້ລາວ ມາຢູ່ບ່ອນນີ້”.