CEO Cisco ກ່າວວ່າ ພະນັກງານເລີ່ມເບື່ອໜ່າຍການເຮັດວຽກຢູ່ກັບເຮືອນແລ້ວ
ຫົວໜ້າບໍລິຫານ ຂອງບໍລິສັດ Cisco ທ່ານ Chuck Robbins ໃຫ້ຮູ້ວ່າ: ພະນັກງານບໍລິສັດຂອງຕົນເລີ່ມມີຄວາມເບື່ອໜ່າຍເຮັດວຽກຢູ່ກັບເຮືອນແລ້ວ ແລະ ຢາກກັບສູ່ບໍລິສັດ.
ໃນກອງປະຊຸມທາງອອນລາຍໃນວັນທີ 9 ກຸມພານີ້, ຫົວໜ້າບໍລິຫານບໍລິສັດ Cisco, Chuck Robbins ໃຫ້ຮູ້ວ່າ: ຂະນະທີ່ມີການລະບາດຂອງພະຍາດໂຄວິດ-19 ນັ້ນທຸກຄົນລ້ວນແຕ່ຢາກເຮັດວຽກຢູ່ກັບເຮືອນ, ສຳນັກງານອົງການປິດປະຕູໝົດ, ແຕ່ດຽວນີ້ ຫຼາຍຄົນແມ່ນມີຄວາມມຸ່ງຫວັງໄດ້ກັບໄປເຮັດວຽກຢູ່ໃນບໍລິສັດ.
ເພື່ອບໍ່ໃຫ້ພະນັກງານເຮັດວຽກຢູ່ແຕ່ກັບເຮືອນ, ທ່ານ Robbins ໄດ້ມີແນວຄວາມຄິດໃຫ້ພະນັກງານເຮັດວຽກ 3 ວັນຢູ່ກັບເຮືອນ ແລະ 2 ວັນເຮັດຢູ່ໃນບໍລິສັດ. ແຕ່ເຂົາກໍຍັງບໍ່ທັນມີຄວາມແນ່ນອນເທື່ອເພາະການລະບາດຂອງໂຄວິດ-19 ຍັງລະບາດແຮງທົ່ວໂລກ. ໂຄສົກຂອງບໍລິສັດ Cisco ໃຫ້ຮູ້ວ່າ ພະນັກງານໃນບໍລິສັດ ອາດຈະເຮັດວຽກຢູ່ກັບເຮືອນເຖິງ 30/6 ໃນປີນີ້.
ບໍລິສັດ Cisco ເປັນບໍລິສັດເທັກໂນໂລຊີ ໃນອັນດັບຕົ້ນໆຂອງໂລກ ຕອບສະໜອງດ້ານອຸປະກອນ, ໂທລະສັບຕໍ່ກັບເຄືອຂ່າຍ. ຊຶ່ງເປັນຫົວໜ່ວຍທຸລະກິດທີ່ມີກຳໄລຈາກການກັບມາເຮັດວຽກຢູ່ໃນບໍລິສັດ.
