ສະຫະລັດຈະຍົກລະດັບເງິນເດືອນຂັ້ນຕໍ່າຂຶ້ນ ເພື່ອຊ່ວຍເຫຼືອຜູ້ທຸກຍາກ ແຕ່ວຽກເຮັດງານທຳຈະຫຼຸດລົງ
ອີງຕາມການລາຍງານຂອງຫ້ອງການງົບປະມານຂອງສະພາແຫ່ງຊາດ ສະຫະລັດ(CBO) ເມື່ອວັນທີ 9 ກຸມພານີ້ ໃຫ້ຮູ້ວ່າ: ສະຫະລັດຈະຍົກລະດັບເງິນເດືອນຂັ້ນຕໍ່າຂຶ້ນ ຊົ່ວໂມງລະ 15 ໂດລາ ໃນປີ 2025 ເພື່ອຊ່ວຍຜູ້ທຸກຍາກ ແຕ່ກໍຈະເຮັດໃຫ້ ແຮງງານຕົກວຽກເຖິງ 1,4 ລ້ານຄົນ.
ນອກຈາກນີ້, ວິທີການດັ່ງກ່າວຍັງຈະເຮັດໃຫ້ງົບປະມານຂອງສະຫະລັດຫຼຸດລົງເຖິງ 54 ຕື້ໂດລາໃນ 10 ປີຂ້າງໜ້າ.
ການເພີ່ມເງິນເດືອນຂັ້ນຕໍ່າຂຶ້ນ, ຈະປະຕິບັດຢ່າງເປັນທາງການໃນປີ 2025 ຊຶ່ງຈະນຳເອົາຜົນປະໂຫຍດທີ່ແທ້ຈິງມາໃຫ້ 17 ລ້ານຄົນທີ່ມີເງິນເດືອນຕໍ່າກວ່າ 15 ໂດລາ ຕໍ່ຊົ່ວໂມງ.
ການເພີ່ມເງິນເດືອນຂຶ້ນ ຈະຊ່ວຍຫຼຸດຜ່ອນຜູ້ທຸກຍາກໄດ້ເຖິງ 900.000 ຄົນ ແລະ ຈະຫຼຸດຜ່ອນການໃຊ້ຈ່າຍ ໂດຍຜ່ານບັດທັນຍາຫານເພື່ອການບຳລຸງເດັກລົງ. ແຕ່ການໃຊ້ຈ່າຍໃຫ້ກັບ Medicaid ແລະ ການອູດໜູນ ຄົນຕົກງານ ຈະເພີ່ມສູງຂຶ້ນ ເພາະຜູ້ຕົກງານຈະເພີ່ມສູງຂຶ້ນເຊັ່ນດຽວກັນ.
ໃນເດືອນຜ່ານມານີ້, ປະທານາທິບໍດີ ໂຈໄບເດັນ ໄດ້ຮຽກຮ້ອງໃຫ້ເພີ່ມເງິນເດືອນຂັ້ນຕ່ຳຂຶ້ນ, ໃນຂະນະນີ້ ເງິນເດືອນຂັ້ນຕໍ່າໃນປັດຈຸບັນຢູ່ທີ່ 7,25 ໂດລາ ຕໍ່ຊົ່ວໂມງ ຕາມການກຳນົດໃນປີ 2009 ຂອງກ້ອນເງິນອູດໜູນ ໂຄວິດ-19 ໃນມູນຄ່າ 1.900 ຕື້ໂດລາ. ແຕ່ກໍຖືກຂັດຂວາງຈາກສະມາຊິກສະພາ.
