ໄບເດັນເຊື່ອວ່າ ຈີນ “ພ້ອມຈະແຂ່ງຂັນຢ່າງດຸເດືອດ”

ປະທານາທິບໍດີ ໂຈໄບເດັນ ກ່າວເຖິງປະທານ ສີຈິ້ນຜິງວ່າ “ຮູ້ຈັກກັນດີພໍສົມຄວນ” ແລະ ຄາດການວ່າ ອີກຝ່າຍ ພ້ອມທີ່ຈະ “ແຂ່ງຂັນຢ່າງດຸເດືອດ” ກັບສະຫະລັດ ໃນຍຸກຂອງເຂົາ

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດອາເມລິກາ ເມື່ອວັນທີ 7 ກຸມພານີ້ວ່າ: ປະທານາທິບໍດີ ໂຈໄບເດັນກ່າວໃນຕອນໜຶ່ງການໃຫ້ສຳພາດໃນລາຍການຂອງສະຖານີໂທລະທັດ ຊີບີເອສ ອອກ ອາກາດເປັນຄັ້ງທຳອິດເມື່ອວັນທີ 7 ວ່າ: ນັບຕັ້ງແຕ່ຊະນະການເລືອກຕັ້ງປະທານາທິບໍດີສະຫະລັດເມື່ອວັນທີ 3 ພະຈິກ ປີຜ່ານມາ ຈົນກະທັ້ງເຂົ້າຮັບຕຳແໜາງເມື່ອວັນທີ 20 ມັງກອນທີ່ຜ່ານມາ ເຂົາຍັງບໍ່ທັນມີໂອກາດໄດ້ສົນທະນາທາງໂທລະສັບກັບປະທານ ສີຈິ້ນຜິງ ຜູ້ນຳຈີນ.

ເຖິງຢ່າງໃດກໍຕາມ, ໄບເດັເນັ້ນວ່າ ໃນຄັ້ງທີ່ເຂົາຍັງດຳລົງຕຳແໜ່ງເປັນຮອງປະທານາທິບໍດີ 2 ສະໃໝຕິດຕໍ່ກັນ ໃນສະໄໝຂອງປະທານາທິບໍດີ ບາຣັກໂອບາມາ ເຂົາໄດ້ໄປຢ້ຽມຢາມຈີນ ປີ 2011 ແລະ ໄດ້ຮັບການຕ້ອນຮັບຈາກສີຈິ້ນຜິງ ຊຶ່ງຕອນນັ້ນເຂົາກໍຍັງເປັນຮອງປະທານປະເທດຈີນ ແລະ ການໄປຢ້ຽມຢາມສະຫະລັດຂອງສີຈິ້ນຜີງໃນປີ 2012 ນັ້ນ ກໍແມ່ນເຂົາເອງເປັນຜູ້ໃຫ້ການຕ້ອນຮັບ ຈຶ່ງຖືໄດ້ວ່າ “ມີຄວາມຮູ້ຈັກກັນດີພໍສົມຄວນ”.

ຜູ້ນະສະຫະລັດກ່າວວ່າ ຜູ້ນຳຈີນ “ສະຫຼາດຫຼາຍ” ແລະ ກໍ”ເດັດຂາດທີ່ສຸດ” ແທບຈົນວ່າບໍ່ມີປະຊາທິປະໄຕຢູ່ໃນຕົວເລີຍ. ເຂົ້າກ່າວຕໍ່ອີກຝ່າຍໜຶ່ງແຕ່ຕອນນັ້ນວ່າ “ສະຫະລັດ ແລະ ຈີນ ບໍ່ຈຳເປັນຕ້ອງຄັດແຍ້ງກັນ” ແຕ່ “ການແຂ່ງຂັນຢ່າງດຸເດືອນເປັນເລື່ອງທີ່ເວັ້ນບໍ່ໄດ້”. ຊຶ່ງສະຫະລັດໃນຍຸກນີ້ຈະບໍ່ເດີນເກມ ຕາມແບບເກົ່າ ອັນເປັນສິ່ງທີ່ຈີນຊາບຢູ່ແລ້ວ ແລະ ລັດຖະບານປັກກິ່ງກໍສົ່ງສັນຍານມາແລ້ວເຊັ່ນກັນວ່າ ກົນລະຍຸດຂອງຈີນນັບຈາກນີ້ ຈະແຕກຕ່າງກັບທີ່ຜ່ານມາ.