ວຸດທິສະພາສະຫະລັດ ຍອມເລື່ອນການພິຈາລະນາໂທດ ທຣຳ

David Schoen ເປັນໜຶ່ງໃນກຸ່ມປົກປ້ອງ ທຣຳ ໄດ້ສົ່ງຈົດໝາຍເຖິງ ຜູ້ນຳຫາງສຽງສ່ວນຫຼາຍຂອງພັກເດໂມແຄຣດ ທ່ານ  Chuck Schumer ແລະ ຜູ້ນຳຫາງສຽງສ່ວນໜ້ອຍຂອງພັກ ຣີພັບຣີກັນ  ໃນວຸດທິສະພາ  ທ່ານ Mitch McConnell  ກໍຄືປະທານວຸດທິສະພາຮັກສາການ Patrick J. Leahy ເພື່ອຮຽກຮ້ອງໃຫ້ເລື່ອນການພີຈາລະນາໂທດຂອງ ທຣຳ ອອກໄປຊົ່ວຄາວ ຊຶ່ງເບື້ອງຕົ້ນຄາດວ່າຈະເລີ່ມຂຶ້ນໃນວັນທີ 9 ກຸມພານີ້, ຖ້າຫາກຂະບວນການກ່າວໂທດບໍ່ສຳເລັດລົງໃນໄລຍະບຸນປະເພນີ Sabbath ຫຼື ເອີ້ນວ່າວັນບຸນ “ພັກຜ່ອນຂອງຊາວຢີວ” ໃນເວລາ 17ໂມງ 24 ນາທີຂອງວັນທີ 12 ກຸມພາ.

ໃນຈົດໝາຍດັ່ງກ່າວ, ທະນາຍຄວາມ Schoen ໃຫ້ຮູ້ວ່າ: ເຂົາຈະປະຕິບັດທຳປະເພນີ Sabbath ແຕ່ວັນທີ 12 ຈົນເຖິງຄໍ່າຄືນຂອງວັນທີ 13 ກຸມພາ, ສະນັ້ນ ຈຶ່ງຮຽກຮ້ອງບັນດາເຈົ້າໜ້າທີ່ໃນວຸດທິສະພາ ເລື່ອນການພິຈາລະນາອອກໄປຈົນເຖິງວັນທີ 14 ກຸມພາ.

ສຳນັກຂ່າວ ຊີເອັນເອັນ ໃຫ້ຮູ້ວ່າ ບໍ່ຮູ້ວ່າ ສະມາຊິກວຸດທິສະພາ ຈະໄດ້ຂໍ້ຕົກລົງກັນ ໃນການພິຈາລະນາກ່າວປະນາມໂທດກຳຂອງ ທຣຳ ໃນວັນທີ 14 ກຸມພາໄດ້ ຫຼື ບໍ່. ອາດມີຄວາມເປັນໄປໄດ້ ວຸດທິສະພາອາດຈະຍົກໂທດໃຫ້ ທຣຳ ຖ້າຫາງສຽງເຖິງ 2/3.