ເປີດເຜີຍລາຍຮັບປີ 2020 ຂອງຜົວ- ເມຍ Ivanka Trump
February 5, 2021 - 3:20 PM
ໜັງສືພິມຕ່າງປະເທດລາຍງານວັນທີ 4 ກຸມພານີ້ວ່າ ລູກສາວຂອງ ອະດີດປະທານາທິບໍດີ ທຣຳ ນາງ Ivanka Trump ແລະ ຜົວຂອງເຂົາ Jared Kushner ມີລາຍຮັບໃນປີ 2020 ແລະ 20 ວັນຂອງຕົ້ນປີ 2021 ນີ້ສູງສຸດປະມານ 120 ລ້ານໂດລາ, ຖືວ່າຫຼຸດປີກາຍ.
ສຳນັກຂ່າວ Bloomberg ເປີດເຜີຍວ່າ ນາງ Ivanka Trump ແລະ ຜົວຂອງເຂົາ ໃຫ້ຮູ້ວ່າ: ພວກເຮົາມີລາຍຮັບພຽງ 23,8-120 ລ້ານໂດລາໃນປີ 2020 ແລະ 20 ມັນຕົ້ນປີ 2021 ນີ້. ການເປີດເຜີຍລາຍຮັບດັ່ງກ່າວແມ່ນພັນທະຂອງຄູ່ຜົວເມຍຂອງພວກເຂົາ ໃນນາມເປັນທີ່ປຶກສາລະດັບສູງຂອງທຳນຽບຂາວໃນສະໃໝຂອງອະດີດປະທານາທິບໍດີ ໂດນັລທຣຳ.
ລາຍຮັບໃນປີ 2020 ຫຼຸດລົງ 20% ເມື່ອທຽບໃສ່ໄລຍະທີ່ມີລາຍຮັບສູງສຸດ 156 ລ້ານໂດລາ. ຜົວ- ເມຍ Ivanka Trump ປະຕິເສດວ່າ ບໍ່ໄດ້ຮັບເງິນເດືອນຈາກລັດຖະບານ ທີ່ເປັນຄ່າຈ້າງທີ່ປຶກສາ.
