ວຸດທິສະພາມອບສິດຄວບຄຸມໃຫ້ກັບພັກເດໂມແຄຣດ

ສຳນັກຂ່າວ ຊີເອັນບີຊີ, ມື້ວານນີ້ລາຍງານວ່າ ວຸດທິສະພາສະຫະລັດໄດ້ມອບໂອນສິດຄວບຄຸມໃຫ້ກັບຄະນະກຳມະການພັກເດໂມແຄຣດ, ພາຍຫຼັງພັກນີ້ສາມາຍາດໄດ້ທີ່ນັ່ງສຸດທ້າຍໃນລັດ ຈໍເຈຍ. ວຸດທິສະພາໄດ້ລົງ “ມະຕິການຈັດຕັ້ງປະຕິບັດ” ກ່ຽວກັບການແບ່ງຂົ້ວອຳນາດ. ໃນຂະນະນີ້ແຕ່ລະພັກມີ 50 ທີ່ນັ່ງໃນສຸດທິສະພາ, ແຕ່ພັກເດໂມແຄຣດ ຍັງມີທ່າໄດ້ປຽບຢູ່ທີ່ສິດຕັດສິນຂອງຮອງປະທານາທິບໍດີ Kamala Harris ຂອງພັກເດໂມແຄຣດ.

ກ່ອນໜ້ານີ້ ຜູ້ນຳພັກເດໂມແຄຣດ ທ່ານ Chuck Schumer ແລະ ຜູ້ນ້ຳຂອງພັກ ຣີພັບຣີກັນ Mitch McConnell ໃນວຸດທິສະພາໄດ້ປຶກສາຫາລືເປັນຫຼາຍອາທິດກ່ຽວກັບຮູບແບບຂອງສະພາໃນການຕັດສິນບັນຫາສຳຄັນຕ່າງໆ. ຕະຫຼອດໄລຍະເວລາດັ່ງກ່າວບັນດາຄະນະກຳມາທິການໃນວຸດທິສະພາຍັງແມ່ນພັກ ຣີພັບຣີກັນ ເປັນຜູ້ຄວບຄຸມ. ນອກຈາກການຕົກລົງແບ່ງປັນອຳນາດແລ້ວ, ທ່ານ Schumer ນັ່ງໃຫ້ຮູ້ວ່າ ທ່ານ ນາງ Sonceria Berry ຈະເປັນເລຂາຂອງສຸດທິສະພານັບແຕ່ວັນທີ 1 ມີນາເປັນຕົ້ນໄປປ່ຽນແທນ ທ່ານນາງ Julie Adams, ຊຶ່ງເປັນຄົນເຊື້ອຊາດແອຟຣິກກາຄົນທຳອິດທີ່ກຳຕຳແໜ່ງນີ້. ທ່ານ Schumer ໃຫ້ຮູ້ວ່າ ທ່ານຈະໃຫ້ບູລິມະສິດກ່ຽວກັບການປ່ຽນແປງດິນຟ້າອາກາດເປັນບັນຫາທຳອິດໃນໄລຍະພັກເດໂມແຄຣດ ມີສິດຄວບຄຸມສຸດທິສະພາ.